O pleno do xoves aprobará as ordenanzas para o funcionamento do mesmo, adaptadas á nova realidade da instalación
Barreiros, 2 de abril de 2025. Barreiros contará desde o vindeiro mes de maio cun ximnasio municipal moderno, dotado de nova maquinaria e cun sistema de acceso que permitirá unha ampla dispoñibilidade horaria.
Para amosar o seu funcionamento e promocionar o seu uso, o Concello prepara para o vindeiro mes de maio xornadas de portas abertas e actividades de fomento da actividade física e de hábitos de vida saudable, onde a maiores de descubrir este renovado servizo municipal, as persoas usuarias poderán coñecer da man de distintos profesionais todos os beneficios que conleva a actividade física.
Obras de reforma integral para subsanar unha instalación deficiente
O concelleiro de dinamización veciñal, Dani García, explica que “a instalación presentaba múltiples deficiencias que provocaron o peche no seu día polo incumprimento das mínimas condicións técnicas esixidas para a actividade.” Despois do estudo de distintos proxectos de reforma do espazo e da busca de financiamento para acometer as obras, desde o goberno local optouse por “unha reforma integral, mellorando a accesibilidade e creando novos espazos de uso compartido co pavillón municipal como son a enfermería, almacén, a recepción e baños adaptados, dos que carecían ambas instalacións; dando cumprimento así ás normativas técnicas e creando espazos deportivos funcionais e modernos, acordes cos tempos”, afirma.
Ademais, afrontouse a renovación do 100% dos equipamentos e máquinas do ximnasio, o cal mellora en calidade e cantidade as potencialidades das salas, que serán reorganizadas en función das zonas de cardio, musculación, peso libre e adestramento funcional. Contará tamén cun chan renovado, melloras a nivel acústico e de illamento no teito e novos espellos que posibilitará a realización dos exercicios dunha forma máis controlada.
Esta importante obra súmase ás acometidas na instalación deportiva (que inclúe o pavillón municipal) nestes últimos anos como foron a sustitución integral da cuberta que presentaba múltiples goteiras, a renovación da iluminación da pista que era insuficiente e a instalación dun portalón de acceso directo á pista por motivos de seguridade.
A financiación da obra foi posible grazas á importante colaboración da vicepresidencia de Deputación de Lugo cunha achega de 144546,42€, que se complementou cunha subvención obtida polo Concello de 54.546,42€ nunha convocatoria da Xunta de Galicia, que incluía 44.546,41€ para obras e 10.000€ para maquinaria.
O Concello aportou máis de 20.000€ de fondos propios e asume a renovación da maquinaria non subvencionada.
Unha ordenanza municipal adaptada á nova instalación
No vindeiro pleno do Concello de Barreiros aprobarase a nova ordenanza de uso e fiscal que regulará esta renovada instalación con prezos reducidos para persoas empadroadas e na que se detallará, entre outras cousas, a forma de acceso á instalación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
