Burela, 8 de abril de 2025. A Casa do Concello de Burela acollerá o vindeiro xoves 10 de abril, ás 16:00 horas, unha sesión temática sobre a Rede de Turismo Pesqueiro de España, un evento dirixido a todos os actores do sector pesqueiro, náutico, hostaleiro e turístico. A sesión terá como obxectivo dar a coñecer as actividades, obxectivos e funcionamento desta rede, que busca promover e valorar o patrimonio cultural e pesqueiro das zonas costeiras do país.
A xornada dará comezo coa apertura institucional, a cargo de Carmela López Moreno, presidenta da Fundación Expomar, e José M. González López, xerente da Fundación Expomar. A continuación, o concelleiro de Mar e Turismo de Burela, Ramiro Fernández Rey, presentará a Rede de Turismo Pesqueiro, detallando os beneficios de adherirse á mesma e explicando o funcionamento das actividades que levan a cabo para fomentar o pescaturismo.
A sesión continuará ás 16:30h cun espazo de debate, titulado “Pescaturismo e valorización do patrimonio cultural”, cos ponentes Sauro Martínez Durán e Serxio Muño Freire.
A continuación, ás 17:45 horas, será a quenda de Andrea Andión Fernández, técnica de turismo do Concello de Burela, que falará sobre o traballo do municipio para a valoración do patrimonio cultural e pesqueiro, explicando como a localidade está a traballar para preservar e poñer en valor o seu patrimonio cultural relacionado coa pesca.
Ademais, o evento contará tamén cun momento artístico ás 18:15 horas, coa actuación musical “A música do noso mar”, a cargo da Fundación Legar, cos artistas Xabier Blanco e Martina Ferradás, que ofrecerán unha mostra de música de raíz relacionada co mar e as tradicións pesqueiras.
Para pechar a xornada, os asistentes poderán gozar dun petisco pesqueiro ás 18:45 horas, degustando produtos pesqueiros locais acompañados de viños da zona, para poñer en valor a riqueza gastronómica do mar e fomentar a interacción entre os participantes.
O concelleiro de Mar, Ramiro Fernández Rey, quixo animar a todas as persoas interesadas no sector a participar neste evento, subliñando a importancia de coñecer as vantaxes de formar parte da Rede Nacional de Turismo Pesqueiro.
“Queremos que todos os profesionais do sector teñan a oportunidade de coñecer as vantaxes de adherirse á rede e como este proxecto pode contribuir ao desenvolvemento e visibilidade do turismo pesqueiro na nosa rexión”, indicou.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
