A artista actuará na Casa da Cultura o vindeiro 11 de abril no marco dun ciclo organizado por Fanto Fantini co apoio do Concello de Burela
Burela, 9 de abril de 2025. O ciclo Maraxes da Osa arranca este sábado 11 de abril na Casa da Cultura de Burela coa actuación da cantante Marilia Monzón. A iniciativa, organizada pola Asociación Fanto Fantini e co patrocinio principal do Concello de Burela, ofrece unha proposta cultural centrada na visibilización e promoción do talento feminino no ámbito musical. Os concertos comezarán ás 21:00 h, cunha apertura de portas prevista para as 20:30 h.
As entradas poden mercarse xa a través da web oficial www.osadomar.com e tamén en Wegow, cunha promoción especial para as persoas que xa adquiriran a súa entrada para o festival Osa do Mar 2025. Neste caso poden beneficiarse dun desconto de 5 euros en calquera dos concertos do ciclo, quedando a entrada por 10 euros máis gastos de xestión. Para acceder a esta promoción é necesario realizar a compra co mesmo correo electrónico co que se adquiriu a entrada do festival.
Desde a concellería de Cultura, a edil Lina Gómez subliñou o compromiso do Concello con este tipo de iniciativas. “Dende concellería de cultura, queremos expresar o noso orgullo por apoiar iniciativas como Maraxes da Osa, un ciclo de música que pon en valor o talento feminino na música. Aproveitar tamén para agradecer o traballo de Fanto Fantini, convertíndose este proxecto nun espazo de encontro, diversidade e cultura que enriquece a nosa vila”.
O ciclo continuará nos vindeiros meses con tres citas máis: Mercedes Cañas actuará o 10 de maio, Yarea o 14 de xuño, e Caamaño & Ameixeiras pecharán o programa o 28 de xuño. Todas as actuacións terán lugar na Casa da Cultura de Burela.
“Burela é un pobo aberto e dinámico, e iniciativas coma esta contribúen a reforzar a nosa identidade cultural e a visibilizar o traballo das mulleres na música, un ámbito onde aínda hai moito camiño por percorrer en termos de igualdade”, explicou Gómez.
“Animamos a toda a veciñanza e visitantes a desfrutar deste ciclo e a seguir apoiando a cultura como motor de cambio e cohesión social”, concluíu a concelleira.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
