Nota de prensa
O CONCELLO ACOMETE A MELLORA DA LIÑA DE SUBMINISTRO ELÉCTRICO DO CAMPO DE FÚTBOL DA BIDUEIRA
o A actuación foi consensuada cos responsables da S.D. Cervo-Sargadelos
o A Xunta de Galicia financia os traballos que teñen un orzamento de 17.235 euros
Cervo, 15 de novembro de 2010.- O Concello de Cervo ten previsto acometer nos vindeiros días as obras de mellora do tendido que subministra enerxía eléctrica ao campo de fútbol da Bidueira, en Cervo.
O rexedor local, Alfonso Villares, e o concelleiro de Deportes, Rubén Fernández, mantiveron hoxe unha xuntanza cos responsables da S.D. Cervo Sargadelos e cos da empresa adxudicataria das obras para ultimar os detalles desta actuación. Segundo indicou o rexedor, os traballos foron consensuados cos responsables da Sociedad Deportiva Cervo-Sargadelos e teñen por obxecto mellorar a calidade do subministro e promover a eficiencia enerxética nestas instalacións deportivas.
“As obras que se farán son feitas en base a unha petición dos responsables do Cervo-Sargadelos, que son os usuarios habituais do campo de fútbol, e polo tanto, os mellores coñecedores das necesidades destas instalacións” dixo Villares, quen recalcou que a colaboración entre institución e colectivos veciñais é a forma máis axeitada de poder materializar as distintas necesidades do termo municipal. “Co diálogo e bo entendemento pódense facer moitas cousas” recalcou Villares.
As obras consisten na substitución da antiga liña de subministro eléctrico que da servizo ao campo de fútbol de Cervo por un novo cableado que mellorará a eficiencia enerxética e evitará as caídas de tensión ás que se vía sometida esta instalación deportiva. A rede actual está sustentada con postes de madeira que nalgúns casos se atopan en moi mal estado debido ás riadas e temporais acaecidos durante o inverno e primavera pasados. Por iso, está previsto instalar uns novos postes de formigón armado con apoio en zapatas de formigón en masa e un cableado novo que permitirá un mellor rendemento enerxético. Os traballos teñen un orzamento de 17.235 euros. Están financiados pola Xunta de Galicia e a empresa encargada de realizar as obras é Obras Civiles da Mariña.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
