O especialista e divulgador Manuel Rei Romeu dará unha conferencia na Casa do Mar este venres 25 de abril
A Mariña, martes 22 de abril. No 75 cabodano do pasamento de Alfonso Daniel Rodríguez Castelao, o BNG, xunto coa Fundación Galiza Sempre están desenvolvendo por todo o país diversos actos relacionados coa súa figura e a súa traxectoria, porque é unha das principais personalidades da nosa historia, fundamental para entender o nacionalismo de hoxe.
Este venres 25 de abril, ás 20:00, no salón de actos da Casa do Mar en Ribadeo, o especialista e divulgador Manuel Rei Romeu disertará sobre a obra e a actividade política do insigne rianxeiro. Acompañarán a Rei Romeu o portavoz municipal do BNG Pablo Vizoso e a vicerresponsable comarcal Iria Cotelo.
Castelao, primeiro Presidente lexítimo de Galiza
Desde o BNG lamentan que dentro dos actos que promove a Xunta de Galiza baixo o nome de “Ano Castelao” estean a ocultar a súa condición de político nacionalista e critican que o voto en contra do PP e a abstención do Psoe impedise o seu recoñecemento oficial no Parlamento Galego como primeiro presidente lexítimo de Galiza, tal como propuña o grupo parlamentario nacionalista, que argumentaba esta proposta co feito de se poñer Castelao á fronte do Consello de Galiza, o goberno galego no exilio.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
