Foz, 30 de abril de 2025. O goberno municipal de Foz considera que “a oposición debería reconsiderar a súa posición destrutiva”. Responde así ás críticas do PP polas actuacións do Concello en varias rúas da vila.
A primeira tenente de alcalde e voceira do goberno municipal, Inés López Couto, saíu ao paso das críticas do líder da oposición, o popular Javier Jorge Castiñeira, sobre as obras de mellora que está a facer o Concello en distintas rúas: “estamos a falar dun investimento para este 2025 de máis de 1,24 millóns de euros, con obras de calado, a maior parte delas no casco urbano. Parece que ao voceiro do PP lle molesta que se fagan obras e que Foz mellore”.
A tenente de alcalde marca distancias entre a forma de traballar deste goberno e o goberno popular: “cando Castiñeira fala dos cambios unilaterais de Cajoto esquécese que el participou na redacción dun Plan de Mobilidade que promoveu este goberno. Un plan que define as melloras que se están a facer, sempre de forma planificada e no que aportaron todos os partidos políticos, a policía local, o asociacionismo e incluso particulares. Curiosamente quen si fixo cambios unilaterais foi Castiñeira, dispoñendo sen ningún tipo de informe nin consulta previa as rúas Álvaro Cunqueiro e Avenida da Mariña na mesma dirección, sobrecargando de tráfico unha rúa que non estaba preparada, como era a rúa do Pilar, e provocando atascos de máis de 45 minutos na saída cara a Ribadeo. Resultaba unha odisea chegar desde a glorieta de Vilalba ao cruce da Fonte da Cruz no mandato do PP”.
Inés López Couto engade: “Castiñeira fala da rúa Corporacións. Eu pódolle falar tamén de Trapero Pardo, Paseo de Colón, Mijail Gorbachov, Alfredo Brañas, rúa de Cervo, Alfonso X, rúa de Sarria, Atalaia ou Eduardo Pondal. A reconfiguración de tráfico vai a supoñer unha mellora notable, mantendo ou aumentando os estacionamentos nas distintas rúas e resultando unha circulación moito máis segura. Ao final das obras imos poder acceder ao centro desde a Rapadoira pasando por rúa de Sarria, Uxío Novoneyra, Atalaia, Cervo, Alfonso X e Eduardo Pondal dunha forma moito máis áxil que agora. Imos ter varias alternativas e Foz poderá avanzar, facendo unha circulación máis cómoda, por rúas co firme renovado. Non creemos que sexa viable reducir os estacionamentos á metade en Corporacións, como defendeu o BNG no pleno, cando estamos a falar dunha rúa en crecemento. As obras hai que rematalas e creo que temos un exemplo de traballo ben feito na rúa Costa do Castro e no paso pola residencia e a Rúa Fiallega; onde antes había dúas curvas máis que perigosas agora hai un camiño seguro para coches e peóns”.
A primeira tenente de alcalde comenta tamén: “non imos permitir que Castiñeira minta porque nós si planificamos e estamos abertos ás aportacións que calquera veciño nos queira achegar, tendo en conta as limitacións técnicas porque todos sabemos dos anchos e das características das rúas de Foz”.
Finalmente López Couto pídelle a Castiñeira que “arrime o ombro, que traía investimentos da Xunta, que poidamos asinar convenios para que Foz mellore. Ou, cando menos, que a Consellería de Política Social aporte os máis de 700.000 euros anuais que adebeda a este Concello”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
