Os populares explican que moitas nais e pais se lamentaron ante a “nula sensibilidade e preocupación” do goberno local por manter en boas condicións os elementos de xogo dos nenos e os aparatos de exercicio dos maiores, como ocorre na zona infantil que hai ao carón da escola infantil
Barreiros, 2 de maio de 2025. Os concelleiros do PP de Barreiros critican o “deixamento e falta de preocupación” do goberno local de Barreiros co mantemento das propiedades municipais “concretamente coas zonas de xogo infantís e biosaudables, moi deterioradas”.
O voceiro do PP de Barreiros, José Manuel Gómez Puente, explica que nais e pais do municipio lamentaron o abandono que sofren os parques infantís “con numerosas deficiencias que seguen sen corrixirse”.
Especialmente curioso é o estado destas zonas de ocio nas proximidades da escola infantil do municipio. O chan acolchado das zonas de recreo para nenos e maiores presenta numerosas fendas, ademais de numerosas herbas, nas que “é doado meter un pé e facerse dano” polo que o goberno local debería de realizar “o seu cambio inmediato”.
“É urxente corrixir todas as deficiencias desta zona de xogo para evitar que os pequenos se poidan facer dano e facilitar que se divirtan”, explicou, unha situación que non se acometeu aínda por parte do goberno local “a pesar de que hai dous meses que os nais e pais comunicaron á alcaldesa a necesidade de arranxar esta zona de xogo”.
Ademais, José Manuel Gómez Puente sinala que é necesario limpar a fonte ornamenta que hai na zona “completamente chea de sucidade e de verdín” o que está a trasladar unha imaxe “de abandono e falta de preocupación, unha imaxe moi mala”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
