O Grupo Municipal Popular manifesta a súa preocupación polo mal estado das infraestruturas “porque pode supoñer risco para a seguridade dos usuarios”: no aparcamento soterrado temen que “poida caer parte do teito e provocar danos materiais nalgún vehículo ou, o que é máis grave, a algún peón”
Vilalba, 2 de maio de 2025. O Partido Popular condena “a total falta de interese” de PSOE e Vilalba Aberta pola conservación e mantemento das infraestruturas e inmobles de titularidade do Concello e insta ao goberno local a tomar medidas urxentes para garantir a seguridade.
Os concelleiros do PP advirten do “mal estado” no que se atopan moitas das instalacións municipais porque “o goberno non se preocupa o máis mínimo en facer os traballos de limpeza e mantemento”. Algúns exemplos de infraestruturas que presentan deficiencias son o auditorio municipal, o campo de fútbol da Madalena ou o aparcamento soterrado da praza da Constitución.
Os populares sinalan que “calquera propietario privado ten que facer tarefas de limpeza, acondicionamento ou pequenos arranxos que permitan conservar o seu patrimonio en bo estado” e defende que “o Concello, como calquera administración pública, debe manter os seus bens. Só dese xeito se garante que se manteñan en bo estado nun período de tempo máis longo evitando ter que facer intervencións maiores a curto prazo. E o que é importante, só así se garante aos usuarios o seu uso en condicións de seguridade”.
Dende o Grupo Municipal Popular xa advertiran do recorte na partida para conservación e mantemento nos presupostos do Concello para este ano: “cada ano recortan máis esas partidas orzamentarias” que considera “a evidencia máis clara da falta de interese do goberno municipal pola falta de mantemento e conservación das súas infraestruturas”.
SEGURIDADE
Os concelleiros do Partido Popular amosan a súa preocupación ante o risco para a seguridade dos usuarios que poida supoñer o mal estado de infraestruturas municipais.
En relación ao aparcamento soterrado, subliñan que “cando chove, cae auga tanto dentro coma fóra” polo que temen que “as filtracións de auga poidan provocar que caia parte do seu teito provocando danos materiais nalgún vehículo aparcado ou, o que é peor, a algún peón”. Nese sentido, condenan a “pasividade” do goberno local e urxen a “tomar medidas”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
