Efrén Castro e Daniel García visitaron as instalacións do club, que pula por manter a tradición remeira na ria de Viveiro
Viveiro, 4 de maio de 2025. O vicepresidente da Deputación de Lugo Efrén Castro e o deputado de Mar e Mocidade Daniel García visitaron o Club de Remo de Celeiro, que adquiriu unha nova traiñeiriña coa colaboración da Vicepresidencia da Deputación de Lugo.
Trátase dunha embarcación de banco fixo de 9,5 metros de eslora e 1.22 metros de manga de fibra de carbono, un material valorado no equipamento deportivo pola súa lixeireza e resistencia.
A nova embarcación renova o equipamento do Club de Remo de Celeiro, que conta con máis de medio cento de remeiras e remeiros -desde infantil ata veteranos – e que pula por manter a tradición remeira na ría de Viveiro promocionando este deporte entre persoas de todas as idades.
Na visita ao club, na que participaron tamén as concelleiras do BNG en Viveiro Miriam Bermúdez e Iria Cotelo, os responsables provincias valoraron “o traballo que desenvolve o club para manter esta tradición deportiva cun grupo interxeneracional que transmite unha gran sintonía e amor polo remo” e recoñeceron “o esforzo económico e loxístico que requiren os deportes naúticos, que tratamos de apoiar priorizando os proxectos máis singulares como é o caso do Club de Remo de Celeiro, o único de banco fixo da provincia”.
A Vicepresidencia da Deputación de Lugo achegou unha subvención de 12.000 euros para esta renovación do equipamento deportivo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
