Ribadeo, 6 de maio de 2025. Do 10 ao 18 de maio terá lugar o XVIII Ribadeo de Tapeo no que participan 21 locais hostaleiros.
A concelleira de Promoción Económica, Marta Saiz, dixo que “este sábado arrinca unha das citas máis agardadas da primavera no noso concello, o Ribadeo de Tapeo. Por diante teremos dez días para saborear todas as propostas doces e salgadas que poderemos atopar nos 21 establecementos participantes”.
A edil ribadense subliñou que “as tapas, que terán un prezo de 3 euros, serviranse durante un período de 4 horas ao día, que pode ser a mediodía, pola tarde ou unha combinación de ambas posibilidades, dando así a opción a todos os establecementos de hostalería e restauración a poder participar independentemente das súas condicións e posibilidades. Un xurado profesional elixirá as catro tapas gañadoras e haberá, como ven sendo habitual, a tapa do público, que será a máis votada pola clientela dos locais participantes no XVIII Ribadeo de Tapeo”.
Os establecementos que se dan cita no Ribadeo de Tapeo 2025 son: Barallocas, Cayo Coco, Ramonita, Rosa Lar, Parador de Ribadeo, Galicia, El Oviedo, Kalpa Amodiño, Mesón D’ Cata, Marinero, La Bugalla, Mareta, La Flor de Jose, La Quinta, O Indiano, Fumarel, El Rincón del Gordo, Araucaria, Copacabana, O Furancho no Camiño e Voar.
Saiz contou que “o pasado martes xa tivo lugar o asesoramento en todos aqueles locais que o solicitaron da man do cociñeiro Álvaro Villasante, membro do Grupo Nove, e que conta cunha ampla traxectoria e recoñecementos profesionais”.
E engadiu que “nesta edición dividimos o Ribadeo de Tapeo en tres zonas: A Larpeira, A A Lambereteira e A Lambisqueira. O público poderá elixir, coma sempre, a súa tapa favorita. Poderá facelo votando co seu teléfono móbil a través da aplicación Ribadeo de Tapeo despois de escanear o código QR que atopará en cada local ou cubrindo o cartón correspondente que despois depositarán nas urnas habilitadas para este fin en cada local. Para poder votar será preciso degustar un mínimo de 5 tapas dunha mesma zona. Entre todas as persoas que o fagan sortearanse, coma sempre, interesantes agasallos: almorzos, tapeos, estoxos de vermú e de viño… Tamén teremos o premio larpeiro de ouro, que será aquel que complete a ruta do tapeo nos 21 locais participantes e haberá premios exclusivos para as votacións rexistradas a través da aplicación móbil, que consistirán en 5 premios de 50 euros e ademais contaremos con premios para os máis pequerrechiños da casa: a ruta Picariño Lambón, na que os nenos e nenas de ata doce anos poderán optar a dous lotes de libros”.
A concelleira de Promoción Económica, Marta Saiz, anima “a ribadenses, ás veciñas e veciños da contorna e aos visitantes a saborear as propostas gastronómicas que atoparán no Ribadeo de Tapeo do 10 ao 18 de maio”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
