Lara Méndez denuncia que tras anunciarse o pacto, a través dunha nota de prensa, a empresa botou a tres traballadoras á rúa
Santiago de Compostela, 7 de maio de 2025. A viceportavoz segunda do Grupo Socialista, Lara Méndez, esixiulle hoxe á Xunta de Galicia que explique o contido do acordo ao que dixo ter chegado con Sargadelos logo de que a propiedade da empresa ameazase co peche. Segundo recordou a deputada do PSdeG, a única información da que se dispón ata o momento sobre o pacto “verbal” para a continuidade da fábrica de Cervo é unha referencia nunha nota de prensa, xa que a resposta á pregunta que formularon por escrito os socialistas non da ningún detalle máis alá de asegurar “que haberá un seguimento constante da situación”.
Durante o debate dunha iniciativa no pleno do Parlamento, Méndez recriminoulle ao conselleiro que, despois de que se coñecera o acordo e de que o propietario da factoría puxera fin a catro días de peche unilateral, este comunicou o despido de tres traballadoras. A deputada socialista advertiu, ademais, que o problema podería estenderse de maneira inminente ata afectar aos doce empregados e empregadas que permaneceron fóra da fábrica durante o último día de actividade.
“Cal é ese seguimento”, preguntou Lara Méndez despois de que se constatasen os despedimentos xusto ao día seguinte da resposta da Xunta. Por iso, interesouse tamén por que medidas tomou a Administración autonómica “unha vez que soubo que había tres mulleres na rúa sen ningún motivo”.
“Que vai facer a Xunta de Galicia para que se vincule calquera tipo de axuda á empresa ao mantemento dos postos de traballo e á reicorporación desas tres traballadoras?”, insistiu a viceportavoz segunda do Grupo Socialista.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
