O Valadouro, 8 de maio de 2025. O alcalde do Valadouro, José Manuel Lamela, reiterou no pleno deste mércores o apoio do Concello a todas as asociacións do municipio.
“Xa dixemos no pleno no que se aprobaron os orzamentos para este 2025 que atenderíamos a tódalas asociacións que soliciten axuda para levar a cabo os seus proxectos. E así o mantemos”, explicou o rexedor. “É necesario presentar a solicitude no Concello acompañada dunha memoria descritiva dos traballos para os que solicitan a axuda”, puntualizou.
Lamela puxo como exemplo da colaboración cos veciños en xeral e coas asociacións en particular a cesión da escola unitaria de Vilacampa: “estamos facendo a cesión porque a asociación quere arranxar a escola para o seu uso”.
Ademais da axuda de 10.000 euros para a asociación de veciños de Vilacampa, o Concello tamén aporta outra axuda da mesma contía á asociación do Cadramón para unha ponte de madeira que xa fora solicitada ao anterior goberno. O alcalde incidiu en que “estamos atendendo esta demanda” porque “mantemos os compromisos cos veciños e os seus proxectos para mellorar o noso concello”.
Tamén indicou que “estamos aprobando as prórrogas que solicitan as asociacións para xustificar os gastos das actuación para as que lles foron concedidas as subvencións en anos anteriores para que non as perdan”.
Ante as acusacións de discriminación, Lamela dixo que “o señor Chao levaba anos no goberno e aínda non sabe nin as asociacións que hai no concello porque deixou fóra a unha, a de Penas de San Xoán de Alaxe”.
O alcalde reiterou a boa disposición do goberno local para escoitar as demandas dos veciños e colectivos do municipio.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
