Dentro da programación inclúense encontros xuvenís, unha presentación literaria, a proxección dun documental, teatro infantil e o XV Encontro de Palilleiras
Burela, 13 de maio de 2025. O Concello de Burela prepara unha programación cultural especial con motivo do Día das Letras Galegas, que se celebrará entre o xoves 15 e o sábado 17 de maio. As actividades abranguen encontros dirixidos á mocidade, unha presentación literaria, unha proxección audiovisual, teatro infantil e unha nova edición do Encontro de Palilleiras.
“O noso obxectivo foi deseñar unha programación diversa, que mestura tradición e creatividade, e que conecta co público de todas as idades. Dende a mocidade ata as persoas maiores, todas teñen espazo nesta fin de semana pensada para poñer en valor a nosa lingua e a nosa cultura”, sinalou a concelleira de Cultura, Lina Gómez.
Para comenzar, o xoves 15 de maio, ás 17:30 horas, a Casa da Xuventude acollerá unha sesión do Grupo de Participación Adolescente (GPA), na que os mozos e mozas participantes abordarán a conmemoración das Letras Galegas, afondando na figura das cantareiras e na súa importancia na preservación da poesía e a música popular galega.
O venres 16 de maio ás 12:00 horas, na Moncloa, celebrarase a presentación do libro ‘Beixos gallados’ de Paco Rivas, filólogo e escritor natural de Cervo cunha ampla traxectoria na creación poética, narrativa e traballos lexicográficos sobre o galego e a cultura mariñeira. A concelleira Lina confirmou a súa presenza no acto: “É un orgullo poder acompañar a Paco Rivas nesta presentación, que representa tamén unha homenaxe ao noso patrimonio lingüístico e mariñeiro”.
Ese mesmo día, ás 20:00 horas na Casa da Cultura, proxectarase o documental ‘Lévame a idea’ de Navíos e folerpas, centrado na contribución das mulleres á música de tradición oral en Galicia. O filme analiza tamén a presenza do machismo na cultura popular e recolle o recoñecemento da Real Academia Galega a diversas tocadoras homenaxeadas en 2025: Eva Castiñeira, Adolfina e Rosa Casás, Prudencia e Asunción Garrido, e Manuela Luma.
Xa o sábado 17 de maio terá lugar no porto de Burela o XV Encontro de Palilleiras, organizado pola asociación As Encaixeiras en colaboración co Concello. O evento desenvolverase en horario de mañá (10:30 a 14:00) e tarde (16:00 a 19:00), con demostracións de encaixe, sorteos, actividades infantís como globoflexia e pintacaras, visitas culturais, degustacións gastronómicas e un obradoiro a cargo da artesá Marisa Hermida, con prazas limitadas.
Tamén o sábado, para pechar esta finde, ás 18:00 horas na Casa da Cultura, representarase o espectáculo infantil ‘Os contos do Lobicán’, unha obra de monicreques en verso dirixida a nenos e nenas de 3 a 8 anos. A historia, protagonizada por Lobicán, un animaliño curioso, e unha nena chamada Xiana, ofrece unha reinterpretación dos contos clásicos e promove valores como a amizade, a cooperación e o respecto pola natureza. A entrada terá un custo de 3 euros e poderá adquirirse desde media hora antes do inicio da función.
Ademais, ao longo da semana tamén se instalarán novos buzóns de intercambio de lectura, como o que xa existe no Parque Rosalía. Estarán situados no Parque do Hospital e nas praias Urbana e Marosa, como unha forma máis de fomentar o hábito lector e o acceso libre á cultura.
“Convidamos a toda a veciñanza e visitantes a participar destas actividades, a celebrar con nós o orgullo de ser galegas e galegos e a seguir facendo da cultura en galego algo vivo e compartido”, concluíu a concelleira de Cultura.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
