“Temos un goberno que ano tras ano repite compromisos incumpridos, utilizando a visita a Lugo como un mero exercicio de propaganda sen contido real”, asegura o líder socialista
Lugo, 13 de maio de 2025. O Secretario Xeral do PSdeG-PSOE da provincia de Lugo, José Tomé Roca, cualificou a reunión do Consello da Xunta celebrada en Lugo como “un novo exercicio de propaganda sen contido real”. Segundo Tomé, “unha vez máis, o Goberno da Xunta acudiu a Lugo para anunciar como supostas novidades proxectos que levan anos na axenda autonómica e que continúan sen materializarse nin achegar solucións reais ás necesidades da cidade e da provincia”.
O líder socialista lamentou que a Xunta de Galicia volvese anunciar investimentos xa comprometidos ou proxectos sen avances reais. “Nada novo para a provincia de Lugo. Esperábamos grandes anuncios, novidades, pero vemos propostas reiteradas ou xa anunciadas, que se dan sen prazos, sen orzamentos reais e sen previsión de execución”, reiterou Tomé. Como o aparcadoiro disuasorio en Fontiñas, previsto desde 2022 e que segue sen proxecto definitivo, ou o novo centro de saúde do Sagrado Corazón, pendente da cesión da parcela e sen prazos claros para o inicio das obras, malia anunciarse cun investimento estimado de 4,8 millóns de euros.
Desde o PSdeG-PSOE de Lugo denunciouse tamén que boa parte das actuacións anunciadas para concellos como Antas de Ulla, Ribadeo ou Trabada xa foran comprometidas en anos anteriores sen chegar a executarse. En Antas de Ulla, a reforma dos apartamentos tutelados para convertelos en residencia de maiores anunciouse en 2021, pero segue sen estar en funcionamento. A Xunta asegura que os primeiros usuarios poderían regresar en setembro, pero non hai garantías firmes de que se cumpra o prazo.
O mesmo ocorre co novo centro de saúde da localidade, proxectado desde hai máis de tres anos e aínda pendente do inicio efectivo das obras tras sucesivos anuncios. En Ribadeo e Trabada, a mellora das redes de abastecemento de auga, foi anunciada en xaneiro deste ano e continúa sen licitación efectiva.
“Estas actuacións tan necesarias chegan tarde e despois de moitas promesas incumpridas. A Xunta volve presentar como novidades vellas demandas sen resolver, o que confirma a estratexia de abandono sistemático da provincia de Lugo por parte da Xunta”, criticou Tomé Roca.
A falta de execución de investimentos clave: un exemplo claro do abandono de Lugo
O Secretario Xeral lembrou que “fai case un ano estivemos reunidos aquí na Delegación da Xunta en Lugo e non vexo nin avances nin acordos para cumprir cos compromisos”. Para Tomé Roca, a realidade da política da Xunta de Galicia en Lugo queda reflectida no abandono de grandes proxectos estruturais comprometidos hai anos e aínda sen executar.
Como a Ronda Leste, que permanece paralizada á espera dunha nova avaliación ambiental tras a decisión tomada pola Xunta en maio de 2024, o que supón un novo atraso mínimo dun ano para unha obra valorada en 19,6 millóns de euros.
O desdobramento do corredor Nadela-Sarria (AG-22), proxecto esencial para a mellora da seguridade e a conectividade da comarca, continúa adiado e non se prevé licitación antes de finais de 2025. E a VAC da Costa Norte, da que só se executaron 16 dos 80 quilómetros previstos, permanece sen avances concretos nin calendario de execución. “A estrada do Folgoso do Courel ou a variante de Viveiro, que sabemos delas? Outras promesas incumpridas do PP á fronte da Xunta de Galicia?”, denunciou o socialista na rolda de prensa.
“Son algúns exemplos claros de como a Xunta de Galicia utiliza a provincia de Lugo como escaparate para titulares que logo non se traducen en feitos. Estas infraestruturas levan demasiado tempo reducidas a promesas incumpridas e anuncios reiterados, sen compromisos firmes nin prazos definidos”, concluíu Tomé.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
