Ribadeo, 14 de maio, 2025. Hai máis de dous meses, a asociación “Por Nuestro Faro” escribiu á Autoridade Portuaria de Ferrol-San Cibrao solicitando información sobre a situación da Illa Pancha. Ante a inminente e posible renovación da concesión do illote, o grupo lembroulle a A.P. que despois de dez anos de explotación privada, a situación irregular seguía igual e, dado que existía a posibilidade de renovar a concesión por outros cinco anos, solicitamos información. No noso escrito, centrámonos en dúas cuestións: preguntamos se se solicitara a renovación da concesión e, de ser así, se finalmente se esixiría o estudo de impacto ambiental, obrigado por lei e actualmente inexistente.
Ante a falta de resposta da Autoridade Portuaria, “esta semana contactamos coa Valedora do Pobo e, invocando a Lei 19/2013, do 9 de decembro, de transparencia, acceso á información pública e bo goberno, solicitamos a apertura dun expediente para garantir o respecto ao dereito á información dos veciños de Ribadeo e obter unha resposta de Portos”.
“Co mesmo obxectivo, presentamos unha queixa ante a Comisión de Transparencia de Galicia. En ambas queixas, destacamos a importancia da localización da Illa Pancha nunha zona protexida pola Rede Natura 2000, especificando que a propia Autoridade Portuaria e a Consellería de Medio Ambiente da Xunta de Galicia xa recoñeceran previamente a necesidade de elaborar un informe ambiental”.
En consecuencia, “entendemos que, ante a posible renovación da concesión aprobada o 30 de xuño de 2015, que remata o 30 de xuño de 2025, as autoridades en cuestión deben esixir a realización dun Estudo de Impacto e non suspender definitivamente a concesión por incumprimento reiterado da normativa vixente a nivel europeo, español e galego”.
“Ademais destas queixas, queremos expresar o noso asombro polas respostas evasivas do actual alcalde de Ribadeo con respecto a todo o relacionado coa Illa Pancha e os correos electrónicos da asociación Por Nuestro Faro”.
“Parécenos sorprendente que o Concello non teña información que compartir co pobo de Ribadeo nin coas súas asociacións sobre o futuro dun lugar tan singular desde unha perspectiva patrimonial, natural e identitaria como a Illa Pancha. É un feito que a asociación veciñal Por Nuestro Faro leva dez anos loitando en solitario para obter información e facer cumprir a lei, independentemente da afiliación política do goberno local”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
