«A nosa intención e presentalo canto antes», afirmou a alcaldesa Mariña Gueimunde
Viveiro, 16 de maio de 2025. Mariña Gueimunde, alcaldesa de Viveiro, e Martín Vale, tenente de alcaldesa, fixeron hoxe un balance sobre a acción de Goberno levada a cabo durante os dous primeiros meses logo da moción de censura. Un dos aspectos que trataron foi o do Orzamento 2025, que, segundo expresaron, non está pechado, pero estará entre os 14,5 e 15 millóns de euros. «A nosa intención é levalo canto antes», argumentaron.
A alcaldesa lamentou que «estannos a reclamar o Orzamento 2025, pero esa tarefa tiña que tela feito o bipartito en 2024». Martín Vale engadiu que «iniciamos a elaboración do presuposto cun lastre de máis de 800.000 euros de facturas que non se puideron atender, axudas que non se cobraron, cousas que aparecen sen previsión de contratación… A secretaria e a interventora xa viñan avisando de que as cousas non se poden facer así, porque non se compren os requisitos de contratación. Este lastre fai difícil o encadre».
Acerca das relacións cos demais grupos políticos, Vale indicou que «non temos contacto con BNG, porque non queren falar con nós e limítanse a insultarnos e a impoñer as súas ideas por riba do interese xeral. Si mantivemos contacto co PSOE e con Por Viveiro, e creo que poderemos chegar a acordos con eles».
Débedas acumuladas
A rexedora expuxo que «os nosos recursos son limitados pola herdanza do bipartito. Falábamos de 900.000 euros de débeda, pero cada día é máis alta, porque seguen chegando facturas de 2024 e, incluso, de 2023. Pero o peor de todo é que se gastaba en cousas que non eran necesidades básicas».
Neste senso, Martín Vale manifestou que «en canto á débeda financeira, que ten un plan establecido, estamos por debaixo dos 7.000.000 de euros. A débeda supoñía un 48% dos ingresos anuais, pero o gasto corrente nos preocupa moito máis e estamos dándolle voltas á cabeza para solucionalo».
Onte, segundo comentou Mariña Gueimunde, «chegou unha multa de 2.700 euros de Costas relacionada coa carpa que se instalou nos xardíns no Entroido. O bipartito comprometérase a pagala e a tramitar os permisos, pero non se tramitaron a Costas. E agora a multa terá que pagala este Goberno cos cartos de todos os veciños o veciñas de Viveiro». «Estamos pagando a mala xestión dos demais. Nós non queremos facer as cousas mal e, aínda así, temos que asumir facturas que nin sequera teñen unha proposta de gasto», engadiu.
Proxectos
Mariña Gueimunde detallou os proxectos que se están poñendo en marcha desde o Concello e un dos que falou foi da reactivación da Praza de Abastos: «Temos interese en que volva a ser a que foi, porque está no corazón de Viveiro. Apostamos polo comercio tradicional e de proximidade. O goberno anterior solicitou unha diagnose e nós, unha subvención. Mentres non se produza a rehabilitación, posiblemente ata o seguinte exercicio, hai que darlle vida. Por iso sacamos de novo a licitación os postos».
A alcaldesa de Viveiro tamén fixo referencia, entre outros, ao pulo ás obras de Celeiro (detidas desde novembro de 2024), ao plan de expropiación das parcelas da Xunqueira, á licitación dunha empresa enerxética, ao avance a partir da semana que vén no PXOM ou á adxudicación das obras do colexio Santa Rita de Galdo.
Tamén apuntou que «estudiamos con Portos de Galicia un paseo marítimo de fachada para rexenerar el peirao. Farémonos coa casa do peirao, porque Viveiro merece un espazo para desenvolver as actividades e accións culturais e teatrais».
Outra das medidas que se porá en marcha será a rexeneración do abastecemento de auga de Landrove-Magazos. A actuación, coordinada con Medio Ambiente, se levará a cabo nun tramo do que emanan as tubaxes cara a outras parroquias.
Unha das sinaturas pendentes é, segundo comentou a rexedora, «ordenar os nosos espazos; falo das dependencias do Concello, dos centros sociais, da Casa do Mestre… Temos que saber en que condicións están e que dispoñibilidade teñen, porque o Concello non dispón dun rexistro de actividades nin dun listado no que se reflicta por quen están ocupados».
Reunións con colectivos
Mariña Gueimunde explicou, acerca dos colectivos, que «seguiremos facendo reunións para explicarlles cal será o procedemento, sobre todo de cara ao 2026. As asociacións deben saber que cantidade se lles asignará, porque, do contrario, non poden desenvolver un programa de actividades». En canto ao deporte, afirmou que «darémoslle prioridade o deporte base». Ademais, Martín Vale agregou que «atopamos unha cantidade de 130.000 euros que non está liquidada».
Contactos institucionais
A alcaldesa de Viveiro sinalou que xa se ten reunido cos titulares de boa parte das Consellerías da Xunta. Ademais, lembrou que «ao día seguinte de acceder ao cargo, solicitei cita na Deputación, co delegado de Goberno e co presidente de la Xunta. De momento, ningún deles me recibiu. Pero sería interesante que o señor Tomé, presidente da Deputación, me recibise e me explicase que vai pasar con ese millón de euros que comprometeu para Viveiro para intentar evitar a moción de censura».
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
