Os deputados provinciais mantiveron un encontro co alcalde Mondoñedo e os veciños de Santa María Maior que, dende fai case dous anos e medio, sofren inundacións nas súas propiedades cada vez que se rexistran precipitacións intensas
Mondoñedo, 19 de maio de 2025. Antonio Ameijide considera que a proposta de Tomé para o cobro ao propietario da vivenda inundada en Santa María Maior polo desbordamento de auga debido á rotura da canalización da drenaxe da LU-P-3103 de taxas de 361€ polos servizos prestados polo Consorcio Provincial de Bombeiros en xaneiro do 2023 “é a gota que colma o vaso. É insultante que o goberno provincial de PSOE e BNG pretenda cobrarlle a un veciño os servizos dos bombeiros por actuar na inundación da súa vivenda provocada pola rotura dunha infraestrutura de titularidade da Deputación. O que deberían facer é dar solución ao problema acometendo de forma urxente as obras necesarias para evitar situación similares, non cobrar”.
O portavoz e deputados do PP na Deputación e o alcalde de Mondoñedo, Manolo Otero, reuníronse unha vez máis cos veciños de Santa María Maior para analizar a situación de “desatención” por parte do goberno provincial de PSOE e BNG. “Mantivemos unha xuntanza cos veciños afectados para ofrecer asesoramento e axudarlles a buscar solucións para intentar evitar a inxustiza de ter que pagar o servizo dos bombeiros comarcais da Deputación polos problemas ocasionados pola mala canalización de augas pluviais nunha estrada provincial”, explicou.
Tanto o Concello a través de diferentes escritos, como o Grupo Provincial Popular -nos plenos de outubro do 2023 e en xaneiro do 2025- e os propios veciños a través dunha recollida de sinaturas lle teñen solicitado formalmente atender as demandas para o arranxo da canalización da drenaxe con tubaxes de suficiente capacidade para evitar novos rebentóns como o que o 1 de xaneiro de 2023 espertaba aos veciños coas súas vivendas, hortas e propiedades inundadas; ademais da propia vía LU-P-3103. Unha situación que se ten repetido en máis ocasións dende entón supoñendo inconvenientes para os veciños e veciñas e riscos para os usuarios desta vía de titularidade provincial.
A canalización e a drenaxe da marxe dereita da estrada provincial LU-P-3103 no lugar da Braña continúan totalmente desfeitas “case dous anos e medio despois do primeiro episodio de rebentóns e inundacións” que se repiten cada vez que se rexistran intensas precipitacións na zona. Os rebentóns débense “moi probablemente ao mal deseño, obstrución e falta de mantemento”, considera o portavoz popular.
Os populares esíxenlle a Tomé e o seu goberno adoptar medidas de forma urxente para garantir a seguridade de persoas, inmobles e vehículos acometendo as obras necesarias, previa realización dos estudos técnicos, para canalizar a auga de escorrentía nesta vía provincial mediante canalizacións de drenaxe lonxitudinal e transversal. Así mesmo, cren necesario levar a cabo un mantemento axeitado das cunetas e reparar os danos causados ao firme da estrada provincial.
Os deputados popular xa teñen advertido en varias ocasións que “tamén hai varandas rotas e que o firme está desfeito noutro treito de aproximadamente 1 km desta vía que quedou sen arranxar cando se mellorou o resto da estrada”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
