O Presidente manifesta a satisfacción pola distinción, “que é un recoñecemento ao traballo serio, rigoroso e comprometido que se está desenvolvendo. Este é un estímulo para seguir apostando polo galego como lingua útil e digna en todos os ámbitos”
Lugo, 23 de maio de 2025. A Deputación de Lugo vén de ser distinguida co Premio Lois Peña Novo 2025, un recoñecemento que pon en valor o labor realizado pola Asesoría Xurídica provincial no uso continuado e rigoroso da lingua galega nas tarefas administrativas e legais que desenvolve, tanto de maneira oral como escrita. O xurado, que acaba de dar a coñecer o fallo, salientou que se trata “dunha iniciativa insólita e valente que está a impulsar unha galeguización integral na práctica xurídica dunha institución pública, unha aposta decidida pola lingua propia que se está a converter nun referente para outras administracións públicas, colexios profesionais e asociacións de letrados”.
O Presidente da Deputación, José Tomé Roca, manifesta a súa satisfacción por esta nova, pois este premio “é unha honra e tamén unha responsabilidade. É un recoñecemento ao traballo serio, rigoroso e comprometido que se leva a cabo desde a nosa Asesoría Xurídica. Pero sobre todo, é un estímulo para seguir apostando polo galego como lingua útil, precisa e digna en todos os ámbitos”. “Na Deputación de Lugo temos claro que unha lingua que se usa na administración, na xustiza e nos espazos formais é unha lingua con futuro. Por iso, este galardón anímanos a seguir traballando con orgullo e con convicción como viñemos facendo ata agora, polo que seguiremos empregando o galego nos procedementos xudiciais da institución e na representación xurídica dos concellos da provincia”.
O xurado destacou tamén o carácter innovador e abandeirado desta aposta, que “racha coa tradición desgaleguizadora do ámbito xurídico, abrindo camiños para outras administracións e acreditando a súa capacidade para artellar un exercicio xurídico rigoroso, moderno e plenamente normalizado”, Consideran os membros do xurado esta experiencia un “exemplo claro de como a vontade e o compromiso poden provocar unha mudanza estrutural nun dos sectores máis resistentes á galeguización”.
Este compromiso coa normalización lingüística non é novo para a Deputación de Lugo neste ámbito. Xa no ano 2022, no acto conmemorativo do 37 aniversario da primeira sentenza en galego, a institución provincial participou activamente na homenaxe ao maxistrado que ditou aquela resolución pioneira, e promoveu a colocación dunha pedra conmemorativa no Xulgado de Lugo. Aquel acto simbolizou o camiño aberto en 1985 e a necesidade de continuar avanzando cara a unha xustiza plenamente galega.
A concesión deste premio vén reafirmar que ese camiño iniciado hai décadas é hoxe unha realidade recoñecida. Dende a Asesoría Xurídica da Deputación apóstase polo galego como lingua prioritaria nos informes, ditames e resolucións, demostrando que é plenamente útil e válida para a comunicación legal e institucional.
O Premio
Os Premios Lois Peña Novo, que leva o nome dun histórico defensor da identidade e do dereito galego, entrega cada ano galardóns a persoas e entidades que contribúen á normalización da lingua galega no ámbito público. A súa concesión á Deputación de Lugo constitúe un recoñecemento á aposta firme dunha administración comprometida coa igualdade lingüística e coa dignificación do galego en espazos onde historicamente estivo ausente.
A Deputación tamén felicita á xornalista Esther Estévez Casado, presentadora do espazo “Dígocho eu” na TVG, e ao historiador Miguel Anxo Seixas Seoane, quen tamén foron distinguidos con este galardón nesta edición.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
