Lembrou que a Deputación aínda non abonou o millón de euros prometido por José Tomé para o Concello de Viveiro antes da moción de censura do 7 de marzo
Viveiro, 26 de maio de 2025. Mariña Gueimunde, alcaldesa de Viveiro, mantivo esta mañá en Lugo un encontro con Pablo Rivera Capón, deputado provincial de Promoción Económica e Social. Nela insistiu na vontade do Concello de Viveiro de manter os convenios xa iniciados entre as dúas institucións e, tamén, de abrir novas vías de colaboración en función das necesidades que o equipo de goberno municipal vaia detectando.
Na xuntanza, Mariña Gueimunde agradeceu a colaboración da Deputación en asuntos como o arranxo da Rúa do Porto ou da Xunqueira. Tamén incidiu noutros temas nos que demandou máis apoio por parte da institución provincial, como o do Conservatorio Profesional de Música de Viveiro, no que, segundo explicou a rexedora, «a partida dos Orzamentos 2025 é de 15.000 euros». «Eu creo que o presidente debería retomar a cuestión e ampliar a contía, porque na provincia existen tres conservatorios de carácter comarcal, polo que a inversión, no caso do de Viveiro, non só reverte nos veciños do Concello, senón tamén nos de toda a comarca. E hai que ter en conta que o Conservatorio de Viveiro conta con 240 alumnos, catro veces máis que os de Vilalba e Monforte de Lemos», manifestou a alcaldesa.
Estradas
Mariña Gueimunde tamén demandou na xuntanza con Rivera Capón que as estradas do Concello de Viveiro se manteñan en bo estado; que se leven a cabo as reparacións e procedementos de limpeza necesarios para despois proceder a rozar. «Incidín sobre todo nas de Vieiro, Galdo e Covas, porque son as que máis tráfico soportan», explicou. Acerca da solicitude de redutores de velocidade para a de Galdo, a alcaldesa propuxo que se recupere a posibilidade de proceder á súa colocación.
Outro dos temas que Mariña Gueimunde puxo sobre a mesa fai referencia a temas deportivos. «Para nós sería moi importante asinar convenios nesta materia. Estamos moi preocupados, por exemplo, polo estado un pouco vergoñento de Cantarrana, e máis porque imos poñerlle o nome dun futbolista de renome no noso Concello como é Kiko Rey».
O millón de euros pendente
Durante o encontro mantido esta mañá, Mariña Gueimunde lembroulle a Pablo Rivera que José Tomé, presidente da Deputación, prometera destinar un millón de euros para Viveiro antes da moción de censura do 7 de marzo. Pero, case tres meses máis tarde, non hai novas da inversión. A alcaldesa comunicou que «seguiremos insistindo nela, porque non estamos en disposición de perder eses cartos debido á delicada situación que atravesa o Concello».
Logo da xuntanza, Rivera Capón informoulle a Mariña Gueimunde que algúns dos temas que se puxeran enriba da mesa, como por exemplo o convenio para o co pago do Belén vivinte que se coloca no Nadal na Igrexa de Santa María, deberían ser tratados directamente con José Tomé. «Estou moi agradecida a que me recibira o deputado provincial de Promoción Económica e Social. Deixoume claro que algúns dos temas debería tratalos directamente co presidente da Deputación e, polo tanto, seguiremos reclamando esa cita porque é el quen decide. Como conclusión, pretendemos continuar na liña de respecto institucional, porque eu represento á veciñanza de Viveiro e teño que reclamar o que lle veña ben e sexa necesario para os viveirenses», argumentou a alcaldesa de Viveiro.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
