O prazo para realizar os trámites permanece aberto e poden realizarse tanto de xeito presencial como a través da sede electrónica
Viveiro, 26 de maio de 2025. Coa chegada do verán, o Concello de Viveiro lembra aos administradores dos establecementos de hostalería a conveniencia de ter actualizada a autorización para ocupar a vía pública coas terrazas e, tamén, de estar ao corrente dos pagos correspondentes. O prazo para realizar os trámites, tanto de xeito presencial como a través da sede electrónica municipal, permanece aberto e o Concello amosa a súa disposición para resolver calquera dúbida ou para facilitar os procesos.
Os documentos que se deben presentar son a fotocopia da licenza de funcionamento do establecemento ou a comunicación previa ao inicio da actividade, o plano da situación da terraza a escala 1/100 no que se reflicta a superficie que se ocupará e todos os elementos de mobiliario urbano, e a copia da póliza de seguro á que se fai referencia no artigo 8 da Ordenanza Reguladora.
Os interesados poden obter máis información no Departamento de Urbanismo do ou a través da web municipal. Desde o Concello de Viveiro agradecen a colaboración do sector hostaleiro, cuxa actividade contribúe a dinamizar a vila e a crear un ambiente agradable para a veciñanza e os visitantes. Por iso se insiste na necesidade de manter os permisos actualizados e de respectar os espazos establecidos para favorecer a convivencia. O feito de que as terrazas estean en regra mellora a imaxe do municipio, garante a seguridade e facilita o funcionamento do entorno urbano.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
