Ribadeo, 28 de maio de 2025. Ribadeo potenciará as compras na Praza de Abastos con Gastropraza, un programa de actividades que terán lugar do 31 de maio ao 19 de xullo.
O alcalde, Dani Vega, subliñou que “unha nova actividade chega á Praza de Abastos, Gastropraza. Esta actividade o que quere poñer en valor é o produto de proximidade, o produto de calidade. Queremos tamén converter a Praza da Abastos nun espazo para elaborar o produto, degustar o produto e tamén poñer en valor a todos os praceiros que teñen a súa forma de vida, que teñen o seu emprego na Praza de Abastos. Debemos apostar polo comercio local, pola Praza de Abastos, e poñer en valor todo un espazo arquitectónico si, pero que hai vida dentro da Praza de Abastos”.
O rexedor explicou que “as actividades empezan o 31 de maio co bonito do Cantábrico, aquí vaise falar do despezamento e da elaboración do bonito, o 14 de xuño haberá talleres de conservas, o 28 de xuño a protagonista será a cociña vegana, o 5 de xuño, como non podía ser doutra maneira, falaremos da cociña indiana e o 16 de xullo teremos obradoiros de saúde alimentaria e de nutrición con Noel Pinín”.
Vega contou que “tamén queremos dirixirnos aos máis pequerrechos, porque do 2 ao 6 de xuño haberá espazo para o alumnado do Gregorio Sanz ás 10 da mañá e ás 12 para o do Sagrado Corazón. Tamén dirixirnos ao Instituto e así facer pedagoxía e ensinar e concienciar que a Praza de Abastos é un medio para comprar produtos de calidade, tan importante comer ben, comer sa e comer produtos locais”.
O alcalde indicou: “toda unha actividade que vai ser durante uns meses, isto vai continuar durante o ano, Gastropraza ven para quedarse e ir poñendo sempre en valor a actividade, pero cun sentido e cunha dirección, que é apostar polo próximo, é dicir polo produto de calidade, o produto de proximidade e apostar por tantas persoas que traballan na Praza de Abastos e que fan un bo traballo. Temos todos unha oportunidade en Ribadeo, que xa en poucos sitios quedan prazas de abastos, en Ribadeo si, e podemos comprar produto sa e de calidade grazas a estas persoas”.
Dani Vega invita a participar na actividade de Gastropraza “e pouquiño a pouco ir facendo conciencia que a praza é cousa de todos”.
Gastropraza está organizada polo Concello de Ribadeo coa colaboración da Xunta de Galicia e da asociación provincial Cociñeiros Lugo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
