O deputado do BNG reclama a mellora inmediata do acceso e das condicións de seguranza no apeadeiro de Folgueiro, no Vicedo
Madrid, 29 de maio de 2025. O deputado do BNG no Congreso, Néstor Rego, vén de rexistrar unha batería de iniciativas na cámara baixa para exixir ao Goberno do Estado que actúe “de maneira inmediata e decidida” para mellorar o estado do apeadeiro de Folgueiro, situado no concello do Vicedo, na antiga FEVE entre Ferrol e Oviedo. Rego cualifica de “absolutamente lamentábel” o estado da infraestrutura e alerta de que a falta de mantemento e seguranza dificulta, ou directamente imposibilita, o seu uso pola veciñanza, especialmente nos meses de inverno.
Durante a visita do deputado nacionalista ao concello do Vicedo, Néstor Rego estivo acompañado polo portavoz municipal do BNG no Concello do Vicedo, Miguel Gómez, o responsábel comarcal da formación nacionalista na Mariña, Antón Veiga, e militantes e simpatizantes da organización na localidade.
“O acceso ao apeadeiro é practicamente intransitábel: un camiño de terra, estreito, sen asfaltar, cheo de lama e sen iluminación. É inxustificábel que o Goberno do Estado abandone deste xeito unha infraestrutura pública que podería ser chave para a mobilidade na comarca” denuncia o deputado nacionalista. O BNG demanda que se acometa de inmediato a pavimentación do camiño de acceso, a instalación de iluminación pública e que se garanta un tránsito seguro, tanto para vehículos como para peóns.
Ademais do acceso, Rego chama a atención sobre o perigo que representa a beiravía e a plataforma do apeadeiro. “Non hai valado de seguranza polo lado do desnivel e a única cerca de madeira está totalmente deteriorada. O firme da plataforma está cheo de fochancas e fendas, o que representa un risco para a integridade das persoas usuarias, especialmente para aquelas con mobilidade reducida” explica. Por iso, o BNG exixe que se reparen de maneira urxente tanto a beiravía como a plataforma, se repare ou substitúa a cerca actual e se instale un valado de protección axeitado.
A formación nacionalista insiste tamén na necesidade de realizar unha limpeza integral do entorno do apeadeiro, que se atopa cuberto de maleza e silvas, así como de acometer actuacións que garantan o acceso universal, permitindo o uso da infraestrutura por parte de persoas con cadeiras de rodas, carros de bebé ou da compra.
“O apeadeiro de Folgueiro, malia o seu estado de abandono, segue a ser utilizado por veciñas e veciños do Vicedo. Iso demostra que hai demanda, que hai vontade de usar o transporte ferroviario. O que falla é a vontade política do Goberno do Estado para manter e mellorar estas infraestruturas” sinala Rego.
O BNG tamén demanda un plan de mellora integral para o conxunto do servizo ferroviario na comarca da Mariña, que inclúa non só o mantemento das estacións e apeadeiros, senón tamén a renovación do material rodante, a dotación de máis persoal e o incremento de frecuencias e servizos. “Non pode promoverse o uso do tren sen garantir antes condicións mínimas de seguranza, accesibilidade e calidade” conclúe o deputado do BNG.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
