Ribadeo, 30 de maio de 2025. O Salón dos Alcaldes acolleu a entrega dos premios do Ribadeo de Tapeo 2025. O do público foi para o Kalpa Amodiño.
O xurado profesional formado por profesores das escolas de hostalería de Foz e de Tapia decidiu que as mellores tapas foron:
1º premio – Restaurante El Oviedo (Lura en salsa)
2º premio – Kalpa Amodiño (Chaat-Eo de millo)
3º premio – Ramonita (salmón marinado á laranxa con pementos e tapioca)
As cociñeiras e responsables destes locais foron as encargadas de recoller os seus premios.
Kalpa Amodiño recibiu o premio á tapa doce polo seu Re-Poso de café e o premio do público pola tapa Chaat-Eo de millo.
Tamén foron entregados os seguintes premios ás persoas que votaron no Ribadeo de Tapeo 2025 a través do cartón ou da APP:
-O larpeiro de ouro foi para Alfredo Palomo, que gañou un vale de comida/cea para dúas persoas, por cortesía do Parador de Ribadeo + un estoxo de vermú Arnao, composto por dúas botellas máis dous vasos, por cortesía de Discosta Norte, Bodegas San Damián + 2 botellas de licor, por cortesía de cafetería Barallocas.
-E os premios picariño lambón foron para Erea Álvarez Rodríguez e Aldara Iravedra Carballés, que recibiron un lote de libros cada unha.
Tamén se repartiron premios por zonas: vales para almorzos (en Cayo Coco e Mareta, comidas en O Indiano, O Furancho no Camiño, Mesón D’Cata e Ramonita) e estoxos de vermú e de viño por cortesía de Discosta Norte e Porta Norte Alimentación.
Entre as persoas que votaron a través da APP sorteáronse 5 vales de 50 euros cada un para gastar nos establecementos gañadores. Os afortunados recibiron un aviso a través da app que deberán mostrar no momento de canxear o seu premio.
Na entrega de premios participaron o alcalde, Dani Vega, e a concelleira de Promoción Económica e Turismo, Marta Saiz, que agradeceron a participación dos 21 locais que este ano se deron cita do Ribadeo de Tapeo así como o apoio da clientela que acudiu a saborear as propostas da hostalería ribadense.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
