A adhesión ao protocolo subscrito coa FEGAMP permitiría obter vantaxes como simplificación administrativa, incentivos fiscais o favorecer a implantación de novas iniciativas empresariais
Viveiro, 31 de maio de 2025. A Alcaldía de Viveiro proporá no Pleno do mércores 4 de xuño a integración do concello na iniciativa de Concello Emprendedor, conforme ao protocolo subscrito coa FEGAMP. A adhesión ten efectos vantaxosos como a simplificación administrativa, incentivos fiscais ou o impulso á implantación de novas iniciativas empresariais no municipio.
O feito de ser Concello Emprendedor tamén outorga puntuación adicional nas subvencións públicas ás que se aspire. Para acadar a adhesión, o Concello de Viveiro xa iniciou os trámites requiridos.
Entre estes requisitos figuran a modificación das ordenanzas fiscais reguladoras do Imposto sobre bens inmobles (IBI), do Imposto sobre actividades económicas (IAE) e, se procede, do Imposto sobre construcións, instalacións e obras (ICIO).
Ademais, o acordo inclúe varios compromisos municipais orientados á implantación e fixación de empresas, á simplificación administrativa e ao apoio á reactivación económica:
– Resolver nun máximo de 30 días naturais as solicitudes de licenza de obra para primeira implantación dunha actividade ou á ampliación das instalacións existentes, sempre que a documentación e os informes preceptivos estean completos.
– Establecer bonificacións nos prezos das parcelas de solo empresarial de titularidade municipal.
– Incorporar e ofrecer ás empresas a posibilidade de recorrer á figura xurídica do dereito de superficie conforme á Lei do Solo e Rehabilitación Urbana.
– Recoñecer o carácter prioritario destes trámites e aplicar a tramitación urxente prevista na Lei 5/2017.
– Levar a cabo revisións normativas dirixidas á boa regulación e á simplificación da normativa municipal que afecte á implantación das empresas, eliminando cargas administrativas innecesarias.
O Concello de Viveiro xa levou a cabo a modificación das ordenanzas fiscais municipais, tal e como recolle o acordo plenario do 6 de novembro de 2024, co fin de incorporar bonificacións no Imposto sobre construcións, instalacións e obras (ICIO), Imposto sobre bens inmobles (IBI) e Imposto sobre actividades económicas (IAE).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
