Ribadeo, 31 de maio de 2025. Ribadeo potenciará as compras no Praza de Abastos con Gastropraza, un programa de actividades que deu comezo este sábado e que se prolongará ata o 19 de xullo.
O despezamento e a elaboración do bonito foron os protagonistas desta primera xornada.
O alcalde, Dani Vega, subliñou que “a Gastropraza quere poñer en valor o produto de proximidade e de calidade. Queremos tamén converter a Praza da Abastos nun espazo para elaborar o produto, degustalo e tamén poñer en valor a todos os praceiros que teñen a súa forma de vida, que teñen o seu emprego na Praza de Abastos”. E engadiu: “debemos apostar polo comercio local e pola Praza de Abastos”.
Ata a Praza de Abastos se achegaron o alcalde, Dani Vega, as concelleiras de Comercio e de Cultura, Marta Saiz e Begoña Sanjurjo, o delegado territorial da Xunta, Javier Arias, a directora territorial de Comercio, Carmen José López e a adl Silvia Martínez.
O 14 de xuño haberá talleres de conservas, o 28 de xuño a protagonista será a cociña vegana, o 5 de xullo será tempo para a cociña indiana e o 19 de xullo haberá obradoiros de saúde alimentaria e de nutrición.
Gastropraza está organizada polo Concello de Ribadeo coa colaboración da Xunta de Galicia e da asociación provincial Cociñeiros Lugo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
