O delegado territorial, Javier Arias, explica que estas actuacións realízanse periodicamente para comprobar a resposta coordinada dos diferentes corpos e servizos de seguridade e emerxencias
Meira, 4 de xuño de 2025. A Xunta participou hoxe nun simulacro de incendio forestal orixinado por un accidente de circulación en Riotorto, co obxectivo de avaliar a resposta dos servizos de emerxencias ante esta situación.
Durante o operativo ensaiouse a activación do Plan especial de Protección Civil ante emerxencias por incendios forestais en Galicia (Peifoga) en situación 2, por posible afección a núcleos de Riotorto – A Ribadiña, na parroquia de Ferreiravella – e A Pontenova – Lamarcide e Cabana, nas parroquias de Xudán e Rececende, respectivamente -.
O delegado territorial de Lugo, Javier Arias, explicou que este tipo de actuacións realízanse periodicamente para probar a resposta coordinada dos diferentes corpos e servizos aplicando os plans de emerxencia correspondentes. Ademais de comprobar a operatividade do Peifoga, tamén se verifica a súa coordinación co Plan de Prevención e Defensa contra os Incendios Forestais de Galicia (Pladiga).
O simulacro permite tamén adestrar os sistemas de comunicación; ensaiar como se informa á poboación sobre as medidas de autoprotección; coñecer o funcionamento dos plans de actuación municipal e testar as tarefas asignadas ao persoal dos diferentes grupos operativos e os centros de coordinación.
Centros de coordinación e grupos operativos
Na actividade de hoxe constituíronse varios centros de mando e control: Posto de Mando Avanzado (PMA) na Campa do Plantío de Meira; Centro de Coordinación Operativa (Cecop); e Centros de Recepción de Medios (CMR) en Meira e As Rodrigas (Riotorto), estes últimos coordinados por persoal da Consellería do Medio Rural.
En canto aos grupos operativos mobilizados, requiriuse a intervención de catro técnicos; seis axentes ambientais, catro brigadas, a Unidade de Investigación de Incendios Forestais (UIFO), a Unidade de Directores de Extinción da Xunta (UDEX), a Unidade Técnica de Apoio (UTA), o Servizo de Prevención, Extinción de Incendios e Salvamento (SPEIS) de Barreiros e o GES da Pontenova.
No que se refire ao apoio loxístico e de seguridade, coordinado polo Servizo de Emerxencias, colaboraron efectivos da Garda Civil, a Unidade de Policía Nacional Adscrita (UPA), a Subdelegación do Goberno, Cruz Vermella, a Axencia Galega de Emerxencias (Axega); así como os concellos, as Agrupacións de Voluntarios de Protección Civil (AVPC) de Riotorto, Meira e A Pontenova. Tamén se requiriu persoal sanitario do 061.
Detalles do simulacro
O simulacro comezou ás 10.15 horas co aviso por parte do Servizo de Prevención e Defensa contra os Incendios Forestais (SPIF) da Xunta dun incendio forestal á altura do punto quilométrico 8,500 da estrada LU-P-5501 en Riotorto, ocasionado por un accidente de circulación.
Tras esa alerta mobilizáronse os medios sanitarios, de seguridade e de emerxencias correspondentes. Ademais de probar a activación do Peifoga en situación 2, o operativo permitiu ensaiar outras medidas de protección da poboación, como a realización de cortes de tráfico e controis de acceso; os avisos de confinamento de núcleos de poboación ou a solicitude de corte dunha liña eléctrica de evacuación dun parque eólico por posible afección do incendio nesa zona.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
