As familias interesadas poden entregar as súas solicitudes aos centros educativos ata o 30 de xuño, ou ás ANPAS ata o 20 deste mesmo mes
Cervo, 6 de xuño, 2025. O Concello de Cervo vén de anunciar a posta en marcha dunha nova edición do programa “Cervo Madruga”, unha iniciativa que se desenvolve en colaboración coas ANPAS dos centros educativos do municipio que arrincou durante o curso que está a piques de rematar.
O programa, que ten como obxectivo facilitar a conciliación da vida laboral e familiar das familias cervenses, será totalmente gratuíto tamén nesta nova convocatoria.
As familias interesadas poderán entregar as súas solicitudes nos centros escolares ata o día 30 de xuño, mentres que as ANPAS recollerán as peticións ata o día 20 deste mes.
A alcaldesa de Cervo, Dolores García Caramés mantivo un encontro con representantes das ANPAS do CEIP de Cervo e do CEIP Península da Paz, para afondar nesta nova convocatoria do programa, do que destacou que “naceu froito dunha demanda da comunidade educativa e que puxemos en marcha con moita ilusión, e que tivo unha resposta moi positiva por parte das familias”. Dende o Concello –engadiu- imos “seguir apostando por medidas que contribúan á conciliación e que melloren o día a día da nosa veciñanza”.
A rexedora puxo de manifesto ademais que “a colaboración coas ANPAS está a ser fundamental para que o programa funcione de xeito eficaz e adaptado ás necesidades reais de cada un dos centros, nos que lles “ofrecemos atención temperá de calidade ás crianzas antes do inicio das clases, nesas primeiras horas cando moitas familias teñen que incorporarse aos seus postos de traballo”.
No programa, que arrincará co comezo do curso escolar, o 8 de setembro, as familias teñen a opción de elixir o horario de 7:30 a 8:30 horas (con almorzo); ou de 8:30 a 9:30 horas (no caso do CEIP Península da Paz) ou ata as 9:35 horas, no caso do CEIP de Cervo.
A alcaldesa afondou en que este novo servizo vén reforzar o programa de conciliación en marcha desde hai anos no Concello, que este mesmo verán regresa para cubrir tamén integramente as vacacións escolares das crianzas, e que se desenvolverá en horario de 8:30 a 14:30 horas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
