Ameijide insiste en que tanto o goberno da Deputación como o Concello de Trabada “deben de pedir escusas públicas por negar e ocultar a existencia dos problemas que cada día é máis evidente que existen e que agora confirman co cambio da persoa que dirixe a residencia”
Lugo, 6 de xuño de 2025. PSOE e BNG veñen de asinar varios decretos nos que confirman a existencia dos problemas na residencia de maiores de Trabada, xa que, por unha banda, cesaron a directora do centro e, por outra parte, nomearon a un novo responsable da residencia.
O voceiro provincial popular, Antonio Ameijide, explica que con estas decisións “José Tomé confirma as denuncias públicas realizadas dende o PP”, que non son outras que “a existencia de problemas no centro, constando polo menos 10 queixas oficiais no último ano”.
O nomeamento do novo director do centro é efectivo dende o 19 de maio ata o 18 de xullo, un período de dous meses, “salvo que as necesidades organizativas que a xustifican deixen de producirse con anterioridade ao cumprimento de dito prazo”.
Ademais, o voceiro popular esixe a PSOE e BNG “que expliquen publicamente os motivos de cambiar a dirección da residencia” sobre todo “despois de que hai poucos días que afirmaron que non había ningún tipo de problema de funcionamento nin queixas nin reclamacións rexistradas”.
QUEIXAS DE USUARIOS E TRABALLADORES
Antonio Ameijide recorda que hai un mes desvelamos que, polo menos, había 10 queixas rexistradas no libro de reclamacións da residencia de Trabada o que evidenciaba que “José Tomé mentiu cando negou a existencia de calquera tipo de problema no centro”.
O popular recorda que “os responsables da residencia son o Concello e a Deputación” e “os responsables dos gobernos local e provincial deberían ser capaces de escoitar e atender as nosas reclamacións, que responden ás reclamacións dos usuarios e as súas familias, para mellorar a xestión do servizo por parte da empresa adxudicataria, porque ata o de agora foi nefasta”.
“Non buscamos ningún tipo de rédito político, o único que queremos é o mellor trato para os usuarios e que se respecten as condicións laborais das traballadoras”, afirmou.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
