Ribadeo, 11 de xuño, 2025. O CAPM “A Concordia” de Ribadeo, pertencente á rede pública da Xunta de Galicia, organiza un acto sensibilizador, no Centro SocioComunitario de Ribadeo, o próximo venres 13 de xuño.
O obxectivo do acto é concienciar sobre o valor da dignidade das persoas maiores e rachar coas barreiras discriminatorias idadistas:
A Asamblea Xeral da ONU, designou o 15 de xuño como Día Mundial de Toma de Conciencia do Abuso e o Maltrato cara as persoas maiores.
Para sensibilizar sobre este menoscabo nos dereitos das persoas maiores e sacar estas violencias da súa comodidade semioculta, deseñouse esta actividade.
Constará de 3 partes diferenciadas:
– Relatorio: Idadismo, dignidade e autonomía. Unha reflexión que nos levará a atopar espiñas idadistas discriminatorias en moitos lugares e con longo alcance.
– Proxección curtametraxe: Os piares dos Bós Tratos. Material elaborado nas reflexións de Boas Prácticas do Centro de Día.
– Se algunha vez esquenzo quen son…Carta dunha xerocultora do centro dirixida ás persoas que a futuro serán as posibles encargadas de ofrecerlle apoios e/ou coidados.
Nesta ocasión o eixo son as 5A dos Bós Tratos
– Autodeterminación: Respeto ao dereito a tomar decisións e exercer o control sobre a súa propia vida dacordo ás súas preferencias, valores e necesidades.
– Alento: Crear posibilidades, capacitar en actividades que motiven e permitan aprender novas habilidades. Oportunidades de pracer e satisfacción.
– Agarimo: Establecemento de relacións cómplices e bidireccionais onde as persoas maiores se sintan incluidas, aceptadas, benvidas e comprendidas.
– Apoio: Acompañamento con seguridade evitando a infantilización e a despersoalización
– Atención: recoñecemento da individualidade e da identidade. A historia de vida…a traxectoria vital defínenos, fainos seres únicos.
Se, como sociedade, queremos erradicar/previr o maltrato e o abuso cara as persoas maiores temos que comezar por revisar a imaxe que nos facemos delas.
O idadismo é o modelo negativizado e pasivo do avellentamento; e , polo tanto, orixe desta problemática tan agochada como real.
Como profesionais da Xerontoloxía, “somos responsables de promover unha cultura de bós coidados e de concienciar á comunidade no paradigma: se non é un bó trato é un maltrato, un abuso ou unha despersoalización”.
Como estratexias preventivas e reparadoras, ademáis das boas prácticas, desde o CAPM “combatemos o idadismo cun amplo programa de actividades interxeracionias: Conectamos a persoas de diferentes idades compartindo experiencias,relacións e afectos”.
Un xeito práctico de mudar a falsa idea de que as persoas maiores son antigas, incapaces, desinteresadas pola actualidade, torpes ou infantís.
O avellentamento da poboación é un logro social e un gran reto. Chegar a ser unha persoa maior é unha oportunidade persoal e comunitaria.
“Apoiemos vidas con sentido, en todas as etapas da vida”.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
