Lugo, 12 de xuño de 2025. O Colexio Oficial da Arquitectura Técnica de Lugo renovou a súa Xunta de Goberno coa proclamación oficial dunha candidatura única, que queda automaticamente electa conforme aos Estatutos do Colexio. Esta nova etapa combina experiencia e renovación, e está marcada pola estabilidade, a pluralidade e o compromiso cos retos presentes e futuros da profesión.
A candidatura proclamada destaca polo seu equilibrio de xénero, a diversidade xeracional e xeográfica, así como pola representación de distintos perfís profesionais do sector. Esta variedade garante unha visión ampla e plural da realidade profesional na provincia.
A nova Xunta de Goberno queda conformada por:
– Presidente: José Manuel Grandío Rodríguez
– Secretario: Antonio Javier Núñez Núñez
– Tesoureiro-Contador: Xabier Pardiñas Suárez
– Vocal 1ª: María José Yáñez García
– Vocal 2º: Enrique Mayo López
– Vocal 3ª: Patricia López Vázquez
– Vocal 4ª: Aroa Mayo Rodríguez
José Manuel Grandío Rodríguez renova no cargo de Presidente, que vén desempeñando desde o ano 2021. Tamén continúan nesta etapa Enrique Mayo López, como vocal, e Xabier Pardiñas Suárez, quen pasa a ocupar agora o posto de Tesoureiro-Contador. Reincorpórase á Xunta Antonio Javier Núñez Núñez, presidente do Colexio entre 2013 e 2021, que asume agora o cargo de Secretario.
A Xunta renóvase en máis dun 60%, con catro novas incorporacións que reforzan o compromiso coa participación e coa renovación institucional. Desde o punto de vista territorial, a nova Xunta representa distintas zonas da provincia: María José Yáñez García, de Lugo, representa a capital e a súa contorna; Aroa Mayo Rodríguez, de Foz, representa a Mariña; e Patricia López Vázquez, de Sarria, representa o sur da provincia.
Así mesmo, o equipo reflicte distintos perfís profesionais dentro do ámbito da arquitectura técnica: desde o exercicio libre ata o traballo na administración, pasando pola docencia ou a especialización en prevención de riscos laborais.
Con esta nova composición, o Colexio afronta unha etapa centrada no fortalecemento institucional, o impulso á formación continua e a defensa activa da profesión en todos os seus ámbitos de exercicio.
Desde a Xunta de Goberno entrante “queremos agradecer ao colectivo a confianza depositada, e facer un recoñecemento especial a todas as compañeiras e compañeiros da directiva saínte, polo seu traballo e dedicación ao longo destes anos”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
