O porteiro internacional polaco foi clave no ascenso do pasado curso a 1ª e logrou o premio de mellor gardamallas de 2ª División dúas tempadas consecutivas
Burela, 16 de xuño, 2025. O porteiro internacional polaco Michal Kaluza poñerá fin este verán a seis apaixonantes tempadas no Burela FS, nas que defendeu o marco laranxa durante catro campañas na máxima categoría e dúas en Segunda División, sendo escollido en ambas as ocasións pola Asociación de Xogadores de Fútbol sala (AJFS) como o mellor gardameta desta categoría.
Desde o club só temos palabras de agradecemento para un futbolista que chegou como unha xove promesa a Burela e que regresa ao seu país sendo un porteiro totalmente contrastado e ocupando a titularidade da meta da selección polaca. Ademais de ser un grandísimo profesional, serio, meticuloso e cun compromiso total, en Burela demostrou por encima de todo ser unha fantástica persoa e o seu comportamento foi intachable e exemplar durante estes seis anos. E é por todo iso que só podemos desexarlle toda a sorte do mundo e os maiores éxitos posibles na súa vida persoal, así como a nivel deportivo co seu novo club e a súa selección nacional.
Michal Marek Kaluza (Bielsko-Biala, 1998) comprometeuse por primeira vez co Burela FS en xullo de 2019, logo de ser seleccionado meses antes como un dos mellores porteiros do mundo nos Futsal Umbro Awards. A piques de cumprir 21 anos, o polaco chegaba á Mariña para reforzar a portería laranxa na segunda etapa do club en Primeira División. Chegaba procedente do equipo da súa cidade, o Rekord Bielsko-Biala, club de referencia en Polonia e ao que regresa agora. Durante os tres anos que durou esta travesía na elite, Kaluza compartiu o marco co mítico Edu. Aos poucos foi gañando minutos e demostrando as súas principais calidades, entre as que destacan os seus grandes reflexos baixo paus e o bo desprazamento de balón, tanto coa man como co pé. Esta última característica demostrouna mesmo no curso recentemente terminado anotando dous tantos desde a súa propia área na vitoria en Vista Alegre diante do ATP Iluminación Tudelano Ribeira Navarra: 3-1.
Co descenso a 2ª e a marcha de Edu, Kaluza colleu os galóns de porteiro titular e non os soltou nos tres cursos seguintes, nos que compartiu marco co canteirán Bruno e, as dúas últimas campañas, co brasileiro Mika. Asentado totalmente na portería laranxa, as súas grandes actuacións no segundo chanzo do fútbol sala español servíronlle para facerse co mencionado premio da Asociación de Xogadores de Fútbol sala dous anos seguidos. Tras ser unha das pezas claves no ascenso a Primeira, esta campaña tamén destacou polas súas grandísimas actuacións e foi un dos piares nos que se apoiou o equipo burelés para chegar con opcións de permanencia ata a última xornada.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
