Daniel García inaugurou a mostra que poderá verse na Casa da Cultura ata o 24 de xullo
Lugo, 24 de xuño de 2025. O deputado Daniel García inaugurou esta tarde en Burela a exposición “Universo Vizoso” comisariada por Aser Álvarez e promovida pola Vicepresidencia da Deputación de Lugo, que amosa a evolución creativa Xosé Vizoso, recentemente falecido.
A mostra, centrada na súa faceta de caricaturista, debuxante e ilustrador, inclúe máis dun cento de carteis, láminas e portadas editoriais que o artista mindoniense deseñou ao longo da súa traxectoria, recoñecibles pola súa potencia visual e súa ligazón coa cultura popular.
No acto de inauguración, Daniel García incidiu no legado persoal e artístico de Vizoso e na súa vinculación coa comarca. “Deixounos o orgullo de ser berce dun artista que con Isaac Díaz Pardo e Luis Seoane unha iconografía que representa Galiza internacionalmente” e “sostivo co seu traballo e a súa creatividade un proxecto cultural e industrial fundamental para a comarca como é Sargadelos”.
O responsable provincial explicou que a exposición, que xurdiu coa homenaxe a Vizoso polo Día da Ilustración, pretenden contribuír ao recoñecemento do artista “ Os deseños de Vizoso son populares, amplamento coñecidos, mais seguramente non todas as persoas que os coñecen lle asignan autor. Un dos obxectivos desta exposición e da programación que fomos desenvolvendo este ano arredor de Vizoso desde a área de Cultura da Vicepresidencia da Deputación de Lugo é contribuír ao recoñecemento desa autoría”.
Ademais da obra gráfica de Vizoso, a exposición inclúe a escultura “San Froilán”, unha peza na que o artista mindoniense fai unha reinterpretación da iconografía clásica do patrón da cidade de Lugo.
A obra, que forma parte das coleccións do Museo Provincial de Lugo, sae primeira vez da sede do Museo con esta exposición que a área de Cultura inaugurou en xaneiro pasado no Pazo de San Marcos e que puido verse tamén desde aquela en Vilalba e Mondoñedo.
A exposición permanecerá na Casa da Cultura de Burela ata o 24 de xullo. Poderá visitarse de l una a vernres de 11.00 a 13.00 e de 18.00 a 20.00 horas
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
