Antonio Ameijide pon sobre a mesa que “Tomé sempre di que veu a instaurar un ciclo de unidade e tranquilidade na Deputación pero os feitos desmenten as súas palabras, as dun presidentes que pretende dar leccións aos demais cando non ten consellos nin para si mesmo”
Lugo, 25 de xuño de 2025. “Xa pasaron 24 horas do inicio da crise de goberno máis importante da historia da Deputación de Lugo e José Tomé segue agochado”. Así de contundente se amosou o voceiro provincial popular, Antonio Ameijide, criticando “o silencio” que onte mantivo o presidente da Deputación e que hoxe sigue vixente.
Antonio Ameijide afirma que “José Tomé ten que dar explicacións porque todos os lucenses as merecemos”. “Temos dereito a coñecer que motivou esta crise porque seguimos sen saber por que tres deputados de goberno non acudiron ao pleno e, o máis importante, canto nos vai a custar aos lucenses a posible reconciliación dos socialistas”, preguntou.
Para Antonio Ameijide o silencio de José Tomé “é un indicativo máis” de que tanto “PSOE como BNG só se moven por intereses persoais e nunca mirando polo ben dos veciños da provincia”.
MUNICIPALISMO DE AMIGUETES
Antonio Ameijide tamén reafirma a idea que se vén denunciando dende o comezo deste mandato, “o municipalismo de amiguetes” do que José Tomé fai gala. No pleno de onte comprobouse “non todos os socialistas concordan” con Tomé xa que “non é capaz nin de asegurar que o apoio do seu goberno e que asistan aos plenos provinciais”.
Os deputados populares recordan como este municipalismo de amiguetes consiste en que José Tomé reparte convenios a dedo (vía xunta de goberno e por decreto de presidencia) “unicamente para concellos gobernados por PSOE e BNG”, e dentro deses concellos “só mira para aqueles con alcaldes afíns, ignorando tamén a municipios gobernados por socialistas”.
“Dese municipalismo de amiguetes chegaron estes lodos e o que está a provocar o sectarismo e a soberbia de José Tomé e que os danos os acabamos pagando todos os lucenses”, criticou.
Ante esta situación, Antonio Ameijide reclama “un goberno xusto con todos os lucenses” á fronte da Deputación provincial “e está máis que claro que con José Tomé, o PSOE e o BNG á fronte non é posible”.
“O sectarismo e a soberbia de José Tomé convertérono no presidente máis illado da historia da Deputación de Lugo, un presidente solitario e sen apoios que, polo ben de todos os lucenses, debería de facerse a un lado”, ao que engade que “Tomé sempre di que veu a instaurar un ciclo de unidade e tranquilidade na Deputación pero os feitos desmenten as súas palabras, as dun presidentes que pretende dar leccións aos demais cando non ten consellos nin para si mesmo”.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
