NOTA DE PRENSA
O OBRADOIRO ‘ÓSCAR JOYEROS’, DOS ARTESÁNS LUCENSES ÓSCAR RODRÍGUEZ E CRISTINA RODRÍGUEZ RECIBE O SEGUNDO PREMIO NACIONAL DE ARTESANÍA
Os dous creadores viveirenses -pai e filla-, que estiveron acompañados pola delegada territorial, Raquel Arias, foron recoñecidos pola colección ‘Tesouros do mar’, promovida pola Dirección Xeral de Comercio, a través da Fundación Centro Galego de Artesanía
Raquel Arias felicitou aos galardoados, que segundo indicou “amosan coa súa traxectoria e coas súas creacións que a artesanía e o deseño poden ter un frutífero recorrido empresarial”
Madrid, 23 de novembro de 2010.- A delegada territorial da Xunta en Lugo, Raquel Arias, acompañou hoxe aos xoieiros lucenses Óscar Rodríguez e Cristina Rodríguez na entrega dos V Premios Nacionales de Artesanía, un certame no que os dous artesáns –pai e filla- afincados en Viveiro obtiveron o segundo premio na categoría Producto.
Arias felicitou a Óscar e a Cristina Rodríguez polo éxito acadado no certame nacional e subliñou “a importancia deste premio, que celebra o talento dos artesáns viveirenses e acredita a boa liña de traballo que seguen a Dirección Xeral de Comercio, que promove esta exposición a través da Fundación Centro Galego de Artesanía”.
A representante do Executivo galego na provincia destacou que o éxito acadado supón “un recoñecemento ao talento destes dous artesáns, que serven de espello para moitos outros deseñadores. Eles amosan coa súa traxectoria e coas súas creación que a artesanía e o deseño poden ter un frutífero recorrido empresarial”.
Así mesmo, Arias agregou que “este galardón serve tamén para prestixiar á creatividade que encerra en xeral este sector da artesanía en Galicia”. De feito, tres das cinco obras escollidas polo xurado dos V Premios Nacionales de Artesanía na categoría Produto foron de artesáns galegos que foron propostos pola Fundación Centro da Artesanía e do Deseño. Os outros dous creadores galegos elixidos foron Viviana Araújo, de Pontevedra; e Rosa Méndez, de Teo, todos eles, ao igual que os creadores viveirenses, en posesión da carta de artesán outorgada pola Dirección Xeral de Comercio e donos de obradoiros artesáns inscritos dentro do Rexistro Xeral de Artesanía da Xunta de Galicia.
O artesán Óscar Rodríguez é un dos xoieiros máis recoñecidos tanto en España como en diferentes países europeos. Está especializado na elaboración de xoias con deseños exclusivos e de alta calidade. O selo especial de Óscar Rodríguez é a capacidade de innovación e de facer propostas frescas e sorprendentes con cada nova colección. En concreto, “Tesouros do Mar”, toma como base as cunchas mariñas para preparar unha serie de xoias exclusivas combinadas con ouro e outros metais e con pedras preciosas. Esta colección foi realizada en colaboración coa súa filla Cristina Rodríguez (Viveiro, 1984), titulada en Deseño de Xoiería, ademais de diplomada en Empresariais e Dirección, Márketing e Relacións Públicas, e que conta xa cunha incipiente carreira no ámbito da creación de xoias.
A delegada territorial estivo presente no acto de entrega de premios, ao igual que a directora xeral de Comercio, María Nava Castro, e a directora da Fundación Centro Galego de Artesanía, Elena Fabeiro. Precisamente Nava Castro significou que “en Galicia sempre tivemos artesáns de moito talento –afirmou-. O papel da Xunta consiste en apoiar ese talento, e así o está a facer a través da Consellería de Economía e Industria e, en concreto, da Fundación Centro Galego da Artesanía e do Deseño, que impulsa diferentes liñas de actuación para o desenvolvemento e a promoción do sector artesán galego”. Premio Nacionale de Artesanía coa colección ‘Tesouros do mar’
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
