O centro funciona como punto de información, asesoramento e xestión para impulsar as actuacións de rexeneración e dinamización do ámbito
Santiago, 30 de xuño de 2025. A conselleira de Vivenda e Planificación de Infraestruturas, María M. Allegue, xunto co secretario xeral de Vivenda e Urbanismo, Heriberto García Porto, firmou hoxe co alcalde de Mondoñedo, Manuel Ángel Otero Legide, a renovación do convenio de colaboración para dotar dos medios materiais e humanos necesarios á oficina municipal que xestiona a área Rexurbe deste municipio.
A través deste acordo, que abrangue dende o 1 de xullo de 2025 ata o 30 de xuño de 2027, a Xunta comprométese a cofinanciar, nun 60%, o funcionamento deste centro dependente da entidade local, achegando un investimento de 175.271 euros. Esta oficina funciona como punto de información, asesoramento, xestión, seguimento e difusión da área Rexurbe de Mondoñedo, co obxectivo de impulsar as actuacións de recuperación, rexeneración e dinamización da área.
A de Mondoñedo foi a primeira Área Rexurbe declarada en Galicia, o 13 de febreiro de 2020, e o seu ámbito comprende o conxunto histórico do municipio e unha zona contigua, de características similares, alcanzando en total unha superficie de 0,45 Km2, en que se localizan 704 edificios e 915 vivendas. O seu primeiro plan de dinamización foi aprobado polo Consello da Xunta do 25 de febreiro de 2021.
Programa Rexurbe en Mondoñedo
Por outra banda, no marco do Programa Rexurbe, xa se iniciaron as obras de rehabilitación dun inmoble para alugueiro para menores de 36 anos na rúa Peña de Francia 6 de Mondoñedo, e esta semana publicarase a licitación das obras de rehabilitación de cinco edificios, cun investimento de 2,7M€ de fondos propios da Xunta.
En concreto, publicarase no perfil do contratante a licitación das obras para 1 edificio dunha VPP na praza Muíños de Arriba 24; para 2 edificios para 4 VPP e 4 rochos na rúa Guevara 7 e 9; para 1 edificio dunha VPP na rúa Febrero 30, e para outro edificio para 2VPP na rúa Álvaro Cunqueiro 34. Tamén se inclúen nestas actuacións as obras de remodelación e reforzo estrutural de 2 VPP e mellora da envolvente do edificio na rúa Progreso 10.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
