A voceira socialista, Mª Luján Ramos, alerta de que só haberá un médico para os dous centros e non haberá atención programada
Cervo, 1 de xullo de 2025. O PSdeG-PSOE de Cervo denuncia os graves prexuízos que causará á veciñanza a redución de recursos sanitarios prevista no municipio durante os meses de verán. Segundo se informa nun aviso exposto no Centro de Saúde de San Ciprián, sen selo oficial nin información complementaria, a partir do 7 de xullo os centros de saúde Cervo e San Ciprián compartirán unha única médica, que prestará atención sen cita previa, por orde de chegada e só en horario de mañá, dende as 10:20 ata as 15:00 horas.
Esta reorganización implica a supresión da atención programada, o que afecta directamente a centos de persoas, e non se aclara se ambos centros permanecerán operativos ou se se centralizará a atención nun deles. Así mesmo, os pacientes que non poidan ser atendidos no día serán derivados ao PAC de Burela ou citados para outra data, sen garantías de continuidade asistencial.
A voceira socialista, María Luján Ramos, cualificou esta situación de “verdadeira vergoña. O único cualificativo que cabe empregar é total abandono dos doentes no Concello de Cervo”. Luján lembra que “no ano 2013 xa intentaron pechar o consultorio de Cervo e deixar só o Centro de Saúde de San Ciprián en funcionamento. Tras unha ardua loita da veciñanza, conseguiuse conservar o centro de Cervo, pero como represalia eliminaron un dos tres médicos de San Ciprián”.
“Volvemos asistir a un novo intento de recorte, precisamente no verán, cando a poboación da Mariña se multiplica”, advertiu. A voceira tamén alertou de que “esta medida colapsará aínda máis o PAC do Hospital da Mariña, que xa sofre sobrecarga asistencial nos meses estivais”.
Desde o PSdeG-PSOE de Cervo esíxese ó Grupo de Goberno Municipal do PP que medie e inste á Xunta de Galicia a actuar con urxencia e adoptar as medidas necesarias para garantir unha atención sanitaria digna e continua durante todo o ano, especialmente nos meses de maior demanda asistencial.
“Non imos permitir que se xogue coa saúde da nosa veciñanza”, concluíu María Luján Ramos, quen reclama á Consellería de Sanidade transparencia, planificación e compromiso real coa Atención Primaria no rural.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
