Ribadeo, 4 de xullo de 2025. Carlos Núñez, o Mago Antón ou Pepo Suevos son algunhas das actuacións das que gozará Ribadeo no terceiro trimestre deste 2025. A axenda cultural inclúe ademais exposicións e actividades para o público infantil.
A concelleira de Cultura, Begoña Sanjurjo, dixo que “esta terceira axenda cultural do 2025 comeza coas vésperas do Ribadeo Indiano: o venres presentación do libro El Rey de los Jíbaros, o sábado concerto da Filarmónica de Lugo no auditorio e o domingo virán os Bolechas para estar cos máis pequenos e presentar o seu libro Ribadeo Indiano. Pero ademais teremos o XIII Curso de Jazz e Música Moderna, que rematará cun concerto na praza de Pancho Maseda o domingo ás 19:30 horas. Este mesmo día As Vacas Fracas terán no Cantón, desde as 11:30, o seu Mercado Xeitosiño, e convídannos a rematar no auditorio con teatro: La recepción”.
A edil ribadense contou que “o Ribadeo Indiano ocupará a segunda finde de xullo e na seguinte semana teremos as Xornadas de Historia Local, organizadas pola asociación Francisco Lanza, o 19 o Festival de Bandas, o 20 o Mago Antón no Campo e o 22 escoitaremos a Carlos Núñez no auditorio coa súa xira Os lugares máxicos. O 24 circo na rúa Vicki e a felicidade e o 25 o concerto da Patria Galega pola BMMR. Do 25 o 27 unha nova edición do Vendaval Fest, organizado pola asociación Os Catro Caños, e rematamos o mes, como comezabamos coa presentación dun libro, neste caso de Fernando Jáuregui”.
As exposición tamén estarán moi presentes na axenda cultural de Ribadeo: “neste mes de xullo temos tres exposicións: Fotocolaxe, de Miguel Hernández Acevedo, Pilar de Florencia e Nós tamén fomos emigrantes, de Afundación, que continúa en agosto. Tamén teremos en agosto una exposición de Nenó de Sela, outra de Ramón López e outra de Luis Miguel Gallego”.
Begoña Sanjurjo relatou que “comezamos o mes de agosto celebrando o 70 aniversario da Coral Polifónica cun concerto colaborativo na igrexa parroquial o día 1. A primeira fin de semana dúas festas: a do percebe en Rinlo e a Xira de Santa Cruz. O día 6 presentación do libro Manuel Díaz Aledo na biblioteca municipal. Todos os mércores de agosto, no auditorio de Cabanela: Rock by Me, unha serie de concertos que xa se están a facer tradicionais no verán ribadense. O 7 e 8 de agosto poderemos participar no Festival de Cine Curto, que organiza a asociación Areas Movedizas, primeiro nas salas do Cine de Ribadeo e o segundo día a Gala no Teatro. O segundo fin de semana será musical cun concerto Disney de A la luz de las velas e o domingo acabaremos con Maricarme en concerto no auditorio”.
Agosto tamén ven cargado de actividades: “o 14 e o 22 teremos actuacións no Campo para público familiar con Charlatán Rodríguez e Glamping Suma. O festival Bal y Gay achéganos este 15 de agosto dúas oportunidades para gozar coa Orquestra Sinfónica do Principado de Asturias acompañada polo Cuarteto Quiroga, non podemos faltar. O 16 dúas festas: unha na vila, San Roque, copatrono de Ribadeo e unha oportunidade para bailar cos Cocos e Cabezudos. En en Remourelle a Festa da Carne ó Caldeiro. E o 23 outras dúas festas: A Festa da Ría no Porto e o Guateque no Campo. Rematamos o mes con outras tres festas, o día 30: A Malla nas Anzas, a Cedofestiña e o Xara fest, todos teremos posibilidade de atopar a nosa”.
A concelleira de Cultura engadiu: “setembro comezará coas Festas da Patroa, pregoadas o 29 de xullo. O día 4 a Coral fará un concerto para recoller fondos para a AECC. A historia do astaleiro de Gondán será o protagonista da exposición máis familiar, na Oficina de Turismo a primeira quincena do mes. O fin de semana do 20 poderemos afondar na nosa cultura e historia nas Xornadas Mar por Medio. E o broche a este terceiro trimestre poñerao Pepo Suevos o día 27 ás 20:30 horas no auditorio coa súa Xira do cuarto de século”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
