Foz, 8 de xullo de 2025. A concelleira de Turismo de Foz, Kathy Navarro, recibiu hoxe, martes, as cinco bandeiras azuis concedidas pola organización ADEAC que distinguen a calidade das praias do concello. Este ano foron destacadas con este distintivo Rapadoira, Llas, Peizás, Pólas e Areoura.
A calidade das augas -excelente-, o gran número de servizos e a adaptación da praia urbana de Foz para persoas con minusvalía fan que os areais de Foz se distingan como entre os máis valoradas do país. O Concello de Foz prefire, un ano máis, priorizar a vixilancia do maior número de praias posible fronte aos requisitos da ADEAC, por iso vai a renunciar a izar as bandeiras recibidas, mantendo o seguinte servizo de salvamento: As praias da Rapadoira e Llas terán servizo de socorrismo de luns a domingo, en horarios de 13 a 19 horas entre semana e de 12 a 20 horas as fins de semana. As praias de Areoura, Peizás e Pólas contarán con servizo de socorrismo ou primeiros auxilios entre semana de 13 a 19 horas e sábados e domingos de 13 a 20 horas, excepto os luns -Areoura-, martes -Pólas- e xoves -Peizás-, nas que non haberá servizo eses días por descanso do persoal.
O Concello de Foz prevé que este verán a cifra de visitantes sega en aumento, superando cada ano ao anterior. A oficina de turismo situada no Cenima comezou o 1 de xullo o servizo de atención ao público tanto de mañás coma de tardes con aumento na plantilla e repartindo novos planos turísticos informativos, como é o renovado novo rueiro municipal.
Prégase que tódalas persoas usuarias das praias fagan un uso responsable das instalacións e avisen ante calquera incidencia.
“Estou convencida que Foz, unha vez máis, será o referente da Mariña polas súas magníficas praias e o seu comercio e restauración. Agardo que teñamos un verán sen incidencias, polo que pido a todos os bañistas que extremen a precaución e atendan ás indicacións do persoal de salvamento. Quero agradecer a todo o persoal que está traballando arreo para que todo saia adiante”, di a concelleira de Turismo, Comercio e Sanidade do Concello de Foz, Kathy Navarro Machado.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
