Os albergues xuvenís de Area e A Devesa acollen estas accións no marco da campaña ‘Modo Verán Activo’, que este ano suma case 2.500 prazas na provincia de Lugo
Lugo, 10 de xullo de 2025. A Xunta ofrece este verán doce quendas nos campamentos de Area (Viveiro) e A Devesa (Ribadeo), das que desfrutarán nenos e nenas nacidos entre os anos 2007 e 2014. As actividades náuticas e mariñas teñen protagonismo nestas experiencias, xunto con outra programación lúdica, deportiva e cultural.
O director territorial da Consellería de Cultura, Lingua e Xuventude, Manuel Antonio Fernández, visitou ambas instalacións, que hoxe despiden á primeira rolda de participantes. Tamén acudiron a alcaldesa de Viveiro, Mariña Gueimunde, e o alcalde de Ribadeo, Daniel Vega.
No caso do albergue xuvenil de Area, a oferta inclúe vela, windsurf, wakeboard, caiac, snorquel, aula de natureza mariña, olimpíadas de terra e mar, volei praia, cometas de tracción ou paddle surf, ademais de excursións.
Na Devesa sucederanse ao longo destas semanas actividades de mar, natureza e multiaventura, como surf, bodyboard, escalada en rocódromo, slackline, tiro con arco, rastrexo, técnicas de vivac, xincanas, aula mariña e de natureza, olimpíada de xogos tradicionais, concurso de talentos, deportes alternativos e un roteiro a Rinlo, entre outras.
Estas accións enmárcanse na campaña da Xunta Modo Verán Activo, que este ano suma case 2.500 prazas na provincia de Lugo distribuídas en campamentos, minicampamentos, campos de voluntariado e outras propostas de carácter lúdico, cultural e deportivo dirixidas á mocidade.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
