O pívot canteirán asegura que un dos incentivos para aceptar a proposta da entidade foi “axudarlle neste momento complicado ao club que tanto me deu”
Burela, 10 de xullo, 2025. O canteirán Christian Rivas García, máis coñecido como ‘Pitero’ (Burela, 1999), continuará unha tempada máis ligado á disciplina do Burela FS, no que se converte na primeira renovación do conxunto masculino. Esta será a oitava campaña de laranxa do burelés, que se incorporou a todos os efectos ao primeiro plantel no curso 2018/2019, despois de que durante o anterior estivese xa na dinámica do equipo sénior de Segunda División e continuase a súa progresión no equipo xuvenil, que por aquel entón competía en División de Honra. Leva desde o 2004 na estrutura do club e na súa primeira tempada no equipo profesional, Pitero colaboraba no ascenso á máxima categoría, do mesmo xeito que o fixo na 2023/2024, a pesar de que unha grave lesión de xeonllo no play off do curso anterior o mantivera afastado das pistas ata o tramo final da competición. De todos os xeitos, chegou para axudar no momento clave e celebrar sobre o parqué un novo ascenso.
Pitero é un potente pívot destro que xoga moi ben de costas e con capacidade de remate tanto cos pés como coa cabeza. Seguramente debido á lesión comentada, o pasado curso foi de menos a máis en Primeira División e acabou anotando 8 tantos, algún de belísima factura como o conseguido na vitoria en Santa Coloma, onde asinou un dobrete. Foi o terceiro máximo goleador do equipo dirixido por David Rial.
Contento pola renovación
Pitero está moi contento coa súa renovación e non esconde que a situación do club foi un incentivo para aceptar a proposta. “Creo que para min era importante poder axudar ao club nestes momentos e despois de todo o que me deu. Son de aquí e creo que o club merecía que o axudáramos e eu que son da casa quería facelo e quedar. Creo que todos sabemos que é difícil o tema económico, que vimos dun problema serio, pero estou seguro de que entre todos os que nos quedamos, os traballadores do club, a xente de Burela e os que veñan sumar faremos que o club volva á elite e volvamos estar en Primeira, porque estou seguro de que imos loitar por iso”, sinala Pitero.
O pivote mariñán asegura que está “moi contento e con moitas ganas de que empece xa a pretempada” e lánzalle unha mensaxe á Familia Laranxa. “Dicirlles que é un pracer seguir véndoos todas as fines de semana, seguir dedicándolles vitorias e goles, e que saiban que moitos dos que quedamos estamos facendo un esforzo porque o pasamos mal o ano pasado, pero temos que darlles as grazas a eles porque nos axudaron moito. Teño moitas ganas de volver velos a todos no Vista Alegre”, conclúe o canteirán laranxa.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
