As actuacións, cun investimento conxunto de máis de 790.000 euros, melloran a accesibilidade, a seguridade viaria e os servizos urbanos en dúas zonas estratéxicas do municipio
Viveiro, 17 de xullo de 2025. O Concello de Viveiro vén de recepcionar dúas actuacións urbanas de gran relevancia: a remodelación integral da Rúa do Porto en Celeiro e a renovación das beirarrúas en Magazos, que supuxeron un investimento total de máis de 790.000 euros.
A intervención na Rúa do Porto, cun orzamento de 680.704,78 euros, tivo como obxectivo a renovación completa dos servizos urbanos e a mellora da urbanización de varios viais do núcleo urbano de Celeiro. A actuación centrouse nunha zona clave para a actividade económica e social do municipio, xa que se trata do acceso principal á fachada marítima de Celeiro e ás instalacións portuarias.
O proxecto incluíu a intervención integral no cruce da rúa Lavandeiras, a LU-P-6612 e a propia Rúa do Porto, así como nas beirarrúas, zonas de aparcamento e calexóns anexos. Renováronse todas as infraestruturas soterradas —abastecemento, saneamento, rede de pluviais, iluminación pública, telecomunicacións e electricidade—, completándose coa pavimentación e a instalación de novo mobiliario urbano.
A obra foi posible grazas a un convenio de colaboración entre o Concello de Viveiro, Portos de Galicia e a Deputación de Lugo, cunha achega municipal de 136.140 euros e unha achega provincial de 544.563 euros.
Tamén foi recepcionada a actuación de mellora das beirarrúas no marxe esquerdo da estrada LU-540 ao seu paso por Magazos, entre os puntos quilométricos 1+140 e 1+910. Cun investimento de 110.795,19 euros, esta obra permitiu renovar un tramo peonil de 750 metros, mellorando a seguridade viaria e renovando tamén a rede de abastecemento de auga.
Mariña Gueimunde, alcaldesa de Viveiro, destacou a importancia destas actuacións “para mellorar a calidade de vida da veciñanza, modernizar os servizos e favorecer un urbanismo máis accesible e funcional”. Agradeceu tamén “a implicación das administracións implicadas por facer posibles estas melloras fundamentais para o municipio”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
