A conselleira do Medio Rural, María José Gómez, visitou hoxe as instalacións remodeladas, que ademais prestan servizo a outros tres concellos da zona
Foz, 17 de xullo de 2025. A conselleira do Medio Rural, María José Gómez, acompañada polo secretario xeral técnico do seu departamento, Jorge Atán, visitou hoxe a oficina rural de Foz, cuxo mobiliario vén de ser renovado cun investimento de máis de 32.000 euros. Na visita, a conselleira salientou que estas instalacións dan servizo aos concellos de Alfoz, Burela e O Valadouro -ademais do de Foz- e que constitúen un punto de atención fundamental para o sector agrario da comarca. Engadiu que, só no ano 2023, esta oficina xestionou máis de 250 solicitudes da Política Agraria Común (PAC), o que reflicte -destacou- a súa relevancia no territorio.
Así mesmo, Gómez puxo de relevo que esta oficina tamén é un punto de referencia para o desenvolvemento de labores de titoría técnica dirixidas ás persoas mozas que se incorporan á actividade agraria, dentro do esforzo da Consellería a prol da remuda xeracional no rural. E subliñou que precisamente esta semana estase levando a cabo unha actividade titorizada en grupo sobre a nutrición sostible de solos agrarios nunha explotación. Neste contexto, a conselleira quixo agradecer “o esforzo dos técnicos por informar e asesorar aos profesionais do agro e a aqueles que se están iniciando neste camiño”.
Achegar a administración á cidadanía
Neste sentido, a titular de Medio Rural reiterou o compromiso do seu departamento por achegar a administración á cidadanía a través da modernización e mellora da rede de oficinas que, como esta, dan servizo aos habitantes das zonas rurais. Así, lembrou que a remodelación levada a cabo en Foz forma parte do Plan de infraestruturas da Consellería 2021-2026, que conta cun orzamento global de 43 millóns de euros. Deles, 8 millóns foron destinados á mellora das 59 oficinas rurais repartidas por toda Galicia, unha liña de traballo na que se seguirá afondando.
A conselleira subliñou que os obxectivos que se perseguen con este plan son os de reforzar a presenza territorial de Medio Rural, mellorar a atención ao sector e fortalecer o dispositivo de prevención de incendios e a administración forestal. Concluíu, asemade, que deste xeito a Xunta reafirma o seu compromiso coa mellora dos servizos públicos no rural e co achegamento da administración á cidadanía, garantindo unha atención máis moderna, eficaz e próxima.
Preocupación pola nova PAC
Sobre a presentación da nova PAC a partir de 2027, a conselleira amosou a preocupación do Goberno galego pola proposta da Comisión Europea feita pública no día de onte, ao considerala lesiva para os intereses dos gandeiros e agricultores da nosa comunidade. Lamentou que non se tiveran en conta as propostas que se defenderon sempre desde Galicia para seguir contando cunha PAC con recursos suficientes, cun fondo diferenciado e co mantemento dos seus dous piares. “Demandabamos un fondo suficiente, que vemos reducido polo menos nun 20% e sentimos tamén unha gran preocupación polo fondo Feader que en Galicia é esencial para seguir apostando por unhas explotacións sustentables e adaptadas ás necesidades, para o desenvolvemento rural e para a remuda xeracional”, lembrou Gómez.
Ademais, avogou por continuar cunha Política Agraria Común “forte e diferenciada” porque -advertiu- “é imprescindible para seguir contando cun medio rural produtivo e competitivo”. Nesta liña, avanzou que tanto Galicia como outras comunidades autónomas van solicitar ao Ministerio de Agricultura, Pesca e Alimentación (Mapa) a convocatoria dunha Conferencia Sectorial urxente e monográfica.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
