A gardameta brasileira renova o seu compromiso “con moita ilusión” e ganas de demostrar a súa valía
Burela, 18 de xullo, 2025. A porteira brasileira Ana Eliza continuará unha campaña máis no Burela FS logo de que nos últimos días renovase o contrato que a unía coa entidade mariñá. Será a terceira tempada consecutiva desta gardameta de 25 anos baixo os paus da meta laranxa. O pasado curso, Ana Eliza participou en 17 encontros de liga regular, nos cales en 15 formou parte do quinteto inicial. Destaca pola súa axilidade baixo paus, o seu bo un contra un e a súa envergadura.
Ana Eliza Ribeiro de Oliveira (Passa Quatro-Minas Gerais, 12-07-2000) completou a súa primeira campaña íntegra no Burela FS na tempada recentemente finalizada, logo de que na anterior fose cedida na primeira metade da mesma ao Viaxes Amarelle coruñés e regresase en xaneiro de 2024 á disciplina burelista para asumir a complicada tarefa de suplir a marcha de Jozi a Italia. Conta con outros dous anos de experiencia na máxima categoría española logo de defender, previamente ao seu desembarco en Burela, os marcos do Joventut D’Elx e a AD Sala Zaragoza.
Ana Eliza asegura estar con moitas ganas de afrontar este novo reto e de demostrar as súas condicións. “Estou moi ilusionada e para min é unha gran responsabilidade, xa que ata o de agora o equipo estaba composto por moitos nomes de referencia”, explica. Así mesmo, relata que era o momento para apostar polo club. “Co Burela FS aprendín moito e agora é o momento de dar un paso adiante. Creo que debía quedarme para demostrar o meu compromiso e defender ao club, tanto nos bos momentos como nos non tan bos”, apunta.
A pesar da renovación practicamente íntegra do persoal laranxa, Ana Eliza está ansiosa xa de que comece a pretemporada. “É un momento de cambio, pero eu estou entusiasmada e vou estar a lume de biqueira e a dar o máximo de min”, indica. Finalmente, cre que é o momento de demostrar o seu nivel. “Vexo esta tempada como unha oportunidade para demostrar o que podo achegar ao equipo, tanto a nivel individual como colectivamente. Confío moito neste proxecto humilde, pero con aspiracións, que tamén servirá para que se vexa o bo traballo que leva realizando na base do club nos últimos anos. Sairemos adiante!”, conclúe entusiasmada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
