Como antesala das festas, estes martes 22 de xullo a partir das 16:00 h arrinca en Sargadelos a Iniciativa Xove “Techno Con-Ciencia”
Cervo, 22 de xullo do 2025. A parroquia de Sargadelos xa se prepara para vivir as tradicionais Festas na honra a Santiago Apóstolo, que terán lugar os días 24, 25 e 26 de xullo de 2025. O evento está organizado pola Asociación Amigos da Troula e o Concello de Cervo, que convida a toda a veciñanza e visitantes a participar desta cita festiva, cultural e deportiva.
O programa comeza o xoves 24 de xullo, ás 20:00 horas, coa tradicional espetada moura, amenizada polos grupos locais “Cordenaia”. Ás 22:00 h comezará a verbena coa Discomóbil Conxuro, e ás 23:00 h ofrecerase o concerto de Roi Casal, un dos pratos fortes das festas. A festa continuará con Conxuro Discomóbil.
O venres 25, Día do Patrón, haberá misa solemne e procesión ás 13:00 h, seguida dun pasarrúas e baile a cargo do grupo tradicional local Fol do Raxal. A sesión vermú e o baile de tarde estarán novamente animados pola Discomóbil Conxuro. Pola noite, a verbena contará co grupo Alma Latina e a actuación estelar de Kike Varela – Mikaela Tour. Ao mediodía serviranse racións de churrasco (12 €), que inclúen porco, criollo, chourizo e pan.
O sábado 26 arrancará cunha actividade deportiva: o Trail Sargadelos, a partir das 10:00 h, acompañado de venda de boliños preñados e empanada. A animación musical correrá a cargo da Discomóbil Olympo. As inscricións están abertas a través da plataforma www.sportmaniacs.com ata o 25 de xullo.
Este martes, arrinca a iniciativa Xove “Techno Con-Ciencia”
Como antesala das festas, estes martes 22 de xullo a partir das 16:00 h arrinca en Sargadelos a Iniciativa Xove “Techno Con-Ciencia”, unha proposta de creatividade xuvenil arredor da música electrónica e a cultura. Desenvolverase tamén o mércores 23 e está promovida polo grupo Fonte da Tella en colaboración co Concello de Cervo, co financiamento da Xunta de Galicia a través do programa Iniciativa Xove. Un espazo interxeracional, creativo e innovador que marcará o inicio festivo da semana. Toda a información está dispoñible a través das redes sociais do grupo Fonte da Tella.
O Concello de Cervo anima a toda a comarca e visitantes a achegarse a Sargadelos para gozar destas festas que combinan tradición, música, gastronomía e deporte nun ambiente familiar e acolledor.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
