Ribadeo, 23 de xullo de 2025. O delegado territorial da Xunta en Lugo, Javier Arias, visitou aos rapaces que estes días participan na primeira edición do Campus Internacional de Baloncesto ‘Sublime’ que se está a desenvolver en Ribadeo. O Goberno galego colabora con esta iniciativa, enmarcada nun proxecto impulsado conxuntamente polo exxogador profesional lucense Pablo Ferreiro e o campión da NBA Payton Pritchard, recoñecido este ano como Mellor Sexto Home da tempada.
Trátase dun campus de tecnificación que reúne a 30 participantes, de entre 12 e 19 anos e de diversas nacionalidades, que teñen xa experiencia no baloncesto. Aquí teñen a oportunidade de perfeccionar o seu xogo a través de adestramentos dirixidos por un equipo internacional de profesionais, que lles ensinan as mellores técnicas do baloncesto europeo e americano, definindo o carácter único e diferenciador desta proposta.
A actividade, que comezou o pasado domingo e remata este venres, 25 de xullo, desenvólvese en dous pavillóns do concello de Ribadeo e está codirixida por dous técnicos de referencia: o europeo Josep María Raventós e o estadounidense Casey Trujeque. Ademais das sesión de adestramento, o campus ofrece competicións, charlas e sesións divulgativas sobre aspectos importantes como a psicoloxía deportiva ou a alimentación, que se completan con actividades lúdicas para favorecer a convivencia e o lecer dos participantes.
Javier Arias aproveitou a visita para intercambiar impresións cos participantes e co equipo organizador, e destacou a importancia deste tipo de iniciativas “que promoven o deporte, o traballo en equipo e o intercambio cultural”. Puxo ademais en valor o compromiso da Xunta co deporte base e co fomento de hábitos de vida saudables entre a mocidade.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
