Ribadeo, 24 de xullo de 2025. Comezaron as obras de construción dun aparcadoiro a carón da igrexa de Santalla. O investimento ascende a 60.000 euros.
O alcalde, Dani Vega, declarou que “pouquiño a pouco vamos facendo melloras nas nosas parroquias, sendo coñecedores de que hai moitas necesidades, sendo conscientes de que queda moito por facer. Pero, pouquiño a pouco vamos investindo, vamos mellorando infraestruturas. Neste caso, na parroquia de Santalla, unha petición que tiñan moitos veciños e hai que recoñecer todo o traballo que fixeron dende a asociación xuvenil. Todos e cada un deles, pediron que Santalla tivera un espazo onde aparcar, un espazo que estaba realmente abandonado e melloralo”.
O rexedor cre que “a mocidade, neste caso, moitos rapaces e non tan rapaces. dicíannos que había que solucionar un problema dunha parcela que estaba no entorno da igrexa, toda abandonada e chea de humidades. E tamén aproveitamos e melloramos a tubaxe que vai a moitas casas, que era de material que non está permitido, era fibrocemento, que contamina e que non cumpre coa normativa sanitaria tampouco. Entón solucionamos varios problemas. Un deles é a construción dun espazo dedicado para o aparcamento de vehículos, tamén para mellorar o entorno da igrexa”.
Vega considera que “se trata dunha mellora importantísima, un aparcadoiro que soluciona un problema que a partires de agora os coches non van estar aparcados no medio da estrada cando hai un evento, cando hai algo que se organiza tamén por parte de Santalla. Pero tamén eu creo que se xustifica claramente que hai que seguir investindo no rural, seguir defendendo tamén o rural. E neste caso, parte dunha proposta dun grupo de mozos de Santalla, e non tan mozos, que desde o goberno local o que se insistiu á Xunta era que había que mellorar este espazo, dotalo de prazas de aparcamento e a partir de aí se xestionou o orzamento necesario. Neste caso foron 70.000 euros. A obra, evidentemente, agora despois da licitación, das ofertas que se presentaron, quedou en practicamente 60.000 euros”.
O alcalde indicou que “isto é un adianto importante nas parroquias e eu creo que hai que seguir investindo, pouquiño a pouco. Agora empezamos por Santalla, xa estamos tamén traballando noutros espazos que hai que mellorar, por exemplo en Vilaframil tamén hai un espazo que non vale absolutamente para nada e imos melloralo. Pouco a pouco vamos ir estudando espazos concretos que están abandonados e pódeselles dar unha utilidade, é dicir sacar un beneficio para moitos veciños que cando van a algún tipo de evento teñan un espazo onde aparcar”.
Para Dani Vega “esta é unha obra importante, unha obra que vai en conexión co medio ambiente, podemos dicir que é un aparcadoiro que tamén está pensado desde un punto de vista medio ambiental, con materiais reciclados, tamén humanizado con árbores, en definitiva que vaia tamén no conxunto de todo o patrimonio natural que temos nas nosas parroquias. É unha boa noticia que xa comezaron as obras e pouquiño a pouco vamos indo, facendo estes espazos en todas as parroquias que traen un beneficio directo para cada veciño”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
