A porteira e as dúas ás, destra e zurda, son tres destacadas xogadoras provintes do filial que aportarán frescura, ilusión e moitas ganas ao equipo
Burela, 4 de agosto, 2025. Lola, Sandra e Irene incorpóranse desde o equipo filial ao primeiro equipo do Burela FS para esta próxima tempada 25/26. As tres xogadoras formaron parte do CD Burela FS “B”, rebrotado hai dous anos con Jairo Campo á fronte, sendo tres das xogadoras máis destacadas do mesmo. Tres xoves promesas que ademais de achegar o temple, competitividade e alegría que caracterizan a cada unha respectivamente, terán a súa oportunidade nesta tempada na renovada plantilla do club mariñán con Belén Leal á fronte.
Lola Muñoz, aínda que nada en Córdoba, creceu en Burela, formándose nas escolas do club burelense desde os 9 anos. A destacada porteira que foi convocada pola selección galega dende os 12 anos (nas categorías infantil, cadete e xuvenil) e pola española durante a tempada pasada (24/25), poderá continuar xogando, agora no primeiro equipo do club do que formou parte toda a súa vida, “É un soño feito realidade, despois de tantos anos xogando no club ter a oportunidade de poder pertencer ao primeiro equipo.” Con bos presaxios para esta tempada, “Vou afrontar este ano con moitísima ilusión e moitas ganas, vai ser unha tempada na que vou aprender infinidade de cousas tanto a nivel grupal como individual”. Anima á afección para vir a Vista Alegre cada sábado, “Non os imos defraudar porque imos dar o máximo de cada unha e imos loitar polo noso escudo”.
Sandra Pumares García (Burela, 23/12/2007), á-destra que sorprendeu notablemente pola súa técnica e velocidade no CD Burela FS “B” a pesar de introducirse no mundo do fútbol sala moi recentemente, xogando a fútbol campo toda a súa vida en dous equipos da comarca, o AD Río Ouro e a SD Burela e pasando a formar parte dos equipos xuvenil e filial do Burela FS hai dous anos. A burelense defínese como “unha xogadora rápida, técnica e moi competitiva, creo que podería aportar moito ao equipo” e tamén afronta esta tempada con moita ilusión “Con moitas ganas de empezar, de axudar ao equipo en todo o que poda, dándoo todo por el e seguir crecendo como xogadora, xa que para min isto é un soño e síntome moi afortunada de que me dean esta oportunidade, a cal hai dous anos nin imaxinaba que podería pasar”. Con ganas de demostrar, “Imos dalo todo pola afección e pola xente que nos apoia partido tras partido”.
Irene Suárez Fernández (Ribadeo, 11/01/2007), á-zurda (ocasionalmente pivote) que se formou nas escolas deportivas do Ribadeo FS e nas do FSF Castro (de 2018 a 2023), pasando a formar parte do CD Burela FS “B” na tempada 23/24. Durante a pasada tempada tivo que facer un parón de 7 meses debido a unha dura lesión, rotura do ligamento patelofemoral medial, pero conseguiu xogar durante o final da tempada pasada no equipo a moi bo nivel, sendo unha das xogadoras máis importantes do equipo nestes dous anos que formou parte del. A moza ribadense defínese “como unha xogadora tranquila e segura do que fai” e valora esta próxima tempada no primeiro equipo, “espero que podamos conseguir o máximo posible e quero aprender todo o que poda, que seguro que será moito. Respecto ao equipo imos loitar e a deixarnos ata o último suspiro na pista”. Con moito aprecio cara ao apoio da Familia Laranxa, “Afección, o voso apoio empuxou a este equipo para dar sempre o mellor durante moito tempo e espero que este ano non sexa menos. Queremos que esteades o dobre, que sexades o noso motor tanto nos bos momentos como nos difíciles, para celebrar os éxitos xuntos e levantarnos a cabeza se as cousas van mal, axudándonos a seguir loitando.”
Marcelino Luna, directivo e responsable do equipo feminino nesta tempada, recibéunas nas oficinas do club desexándolles moita sorte e destacando o seu papel durante estas últimas dúas tempadas no segundo equipo do club, contento de poder darlles esta oportunidade a tres xogadoras máis “da casa”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
