Os populares preguntaban no último pleno canto ía custar e a que se comprometeu José Tomé para acadar a tregua temporal do PSOE no goberno da Deputación e “nin sequera negaron a crise nin o pacto oculto que asinaron para parala temporalmente”
Lugo, 4 de agosto de 2025. “A pesar de que o goberno provincial non quixo aclarar aos lucenses o que nos vai custar a tregua temporal do PSOE para que José Tomé siga á fronte do goberno da Deputación de Lugo, os últimos movementos evidencian a existencia dun pacto oculto”. É máis, “nin sequera negaron no último pleno, en resposta á nosa pregunta, nin a crise nin o pacto oculto que asinaron para parala temporalmente”, segundo explica o portavoz popular, Antonio Ameijide.
O popular afea “a falta de transparencia do goberno de PSOE e BNG cos propios veciños e veciñas” ao negarse a facer público o seu contido e, especialmente, “o custe que terá para as arcas provinciais e que outras concesións acordaron” e que, polo tanto, poidan repercutir nos intereses dos lucenses.
Así, subliña que “é evidente que existe un pacto para tapar a crise interna do PSOE e mercar a paz temporal dos deputados que non asistiron ao pleno de xuño”, pero do que aínda non se coñece todo o alcance”. Por agora, “hai unha parte que é pública, porque o recolle o Boletín Oficial da Provincia (BOP)”: o aumento da dedicación parcial de Iván Castro do 50% ao 75%. Pero a isto hai que engadir as primeiras “cotas” que xa pagou Tomé.
Por unha banda, fai uns días asinaba con José María Arias, alcalde de Castroverde, un convenio co Concello por valor de 562.677,58€ dos que 281.338,79 € serán financiados pola Deputación de Lugo. E, por outra, na xunta de goberno do pasado venres 1 de agosto, o goberno provincial aprobaba outro convenio. Neste caso co Concello de Guitiriz, cuxa alcaldesa tamén formaba parte do grupo de tres deputados que se ausentaran no pleno de xuño. Do total de 264.332,80€, a Deputación de Lugo financiará 250.000€.
Todo isto evidencia, por un lado, Tomé “non foi capaz de devolver a normalidade democrática á Deputación de Lugo como anunciaba o propio presidente na súa chegada á institución provincial” e tamén que “se non saca a chequeira a pasear, non tería nin con quen tomar un café nin dentro do seu propio partido, nin tampouco con membros do seu goberno”.
E, polo outro, que os tres deputados non pretendían defender a igualdade tanto dentro do partido coma en relación á xestión e á forma de gobernar de PSOE e BNG na provincia, senón “intereses persoais. que buscaban era aumentar o seu soldo e diñeiro a dedo a través de convenios cos Concellos onde gobernan”.
Ameijide pregúntase, polo tanto, “cantas reparticións máis a dedo seguiremos vendo para que Tomé siga no sillón, tanto na Deputación coma no PSOE provincial”.
TOMÉ, SÓ E SEN APOIOS NA PROVINCIA
O popular lembra tamén que “no último pleno pretendía sacar adiante unha iniciativa en contra da presidenta do PP lucense, pero non saíu aprobada” toda vez que “os socios de goberno, o BNG, non apoiou a proposta de Tomé”.
É dicir, nos últimos plenos, “fíxose palpable non só a crise interna dentro do PSOE lucense” que no mes de xuño supuxo que o goberno provincial non lograse sacar adiante unha das súas propias propostas; senón tamén “o desacordo co seu socio no goberno provincial, o BNG” que no do mes de xullo non apoiou unha iniciativa presentada polo propio Tomé.
É máis, “no seu anuncio aseguraba que se presentaría nos concellos da provincia, pero só a rexistrou en Monforte, o municipio que el mesmo goberna. Nin sequera no concello de Lugo onde é alcalde o seu compañeiro no goberno provincial, Miguel Fernández, e onde Elena Candia lidera a oposición”.
IGUALDADE ENTRE OS CONCELLOS DA PROVINCIA
Os deputados do Partido Popular reivindican a igualdade de trato para tódolos concellos da provincia. Perro, “mentres que José Tomé emprega os recursos de tódolos lucenses para calmar as voces críticas internas, máis da metade dos concellos da provincia -os que están gobernados polo Partido Popular- sofren a falta de colaboración da Deputación”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
