No mes de xullo foron atendidas 38 consultas de medicina de familia por día e profesional e 15 de enfermería
Santiago de Compostela, 6 de agosto de 2025. O conselleiro de Sanidade, Antonio Gómez Caamaño, mantivo esta mañá unha reunión co alcalde do Vicedo, Jesús Novo, na que lle trasladou a garantía de asistencia sanitaria no centro de saúde da localidade da Mariña.
No encontro, celebrado no edificio administrativo de San Lázaro, tamén participaron o presidente da asociación de veciños Negradas, Andrés Couce Baño; o presidente da asociación veciñal de Riobarba, José María Díaz Trasancos, e a presidenta da asociación Illa Coelleira, Rosa María Calvo Parapar.
O conselleiro referiu o esforzo de planificación que realiza o Servizo Galego de Saúde e a Xerencia da área sanitaria de Lugo, A Mariña e Monforte de Lemos para asegurar a mellor asistencia á veciñanza no verán, pese ao déficit de facultativos, principalmente médicos de familia e pediatras. Lembrou que a Xunta vén demandando de forma reiterada ao Goberno de España solucións para paliar a falta de profesionais de determinadas especialidades, xa que é a súa responsabilidade.
En canto aos datos de actividade asistencial do centro de saúde do Vicedo no mes de xullo, realizáronse 792 consultas de medicina de familia, é dicir, 38 ao día por cada profesional; e 603 de enfermería, 15 por profesional cada día.
A día de hoxe está pendente de cubrir unha praza de facultativo especialista de atención primaria que foi ofertada, quedando deserta, e que volverá ser ofertada nunha nova volta para contar con titular permanente. Mentres, o seu cupo é atendido polo outro médico do centro de saúde todos os días.
O centro de saúde conta con 1.213 persoas asignadas, dentro do estándar en atención primaria para seren atendidas por un profesional.
No que resta de agosto, o médico do centro de saúde do Vicedo prestará atención todo o mes salvo catro días puntuais por permisos e libranzas que lle corresponden. Nese caso as urxencias que se puidesen producir serán atendidas no punto de atención continuada de Viveiro ou polo 061.
Este novo exemplar inclúe 340 páxinas con ata 13 artigos dedicados á figura feminina na comarca, poñendo en valor o seu papel ao longo da historia e na actualidade. O acto, que terá lugar ás 20:00 horas, contará coa participación Xosé Lois Armada, científico do Incipit CSIC; Hixinio Puente, escritor, investigador e cronista de Mañón; Isabel Vigo, técnica do Museo do Pobo Galego; e Xosé María Torres, directivo de Terras do Ortegal.
A medida tómase para evitar que as caravanas podan sufrir problemas de manobrabilidade en lugares como a boca da estación de autobuses. Os camións cos materiais necesitan ese espazo para acceder ao recinto feiral. Unha vez que se instalen as atraccións, o aparcamento será aberto ao público de novo. O Concello de Viveiro agradece a colaboración dos veciños e visitantes.
Disputárono R.C. Deportivo e Real Oviedo con vitoria galega por 2-1. Contou tamén coa asistencia do delegado territorial da Xunta en Lugo, Javier Arias.
Iniciouse ás 15.30 horas deste martes e segundo as últimas estimacións, supera as 120 hectáreas. Para a súa extinción mobilizáronse, ata o momento, 6 técnicos, 29 axentes, 36 brigadas, 41 motobombas, 3 pas, 7 helicópteros e 8 avións. Tamén Na Fonsagrada ás 9.41 horas deste xoves quedaba estabilizado o incendio rexistrado neste mesmo municipio da Fonsagrada, parroquia de Cereixido, que segundo as últimas estimacións provisionais de máis de 20 hectáreas. Este lume iniciouse onte ás 13.07 e, para a súa extinción mobilizáronse, ata o momento, 2 técnicos, 7 axentes, 11 brigadas, 12 motobombas, 3 palas, 5 helicópteros e 5 avións. Nas Pontes ás 13.34 horas deste xoves deuse por estabilizado o incendio forestal da parroquia do Freixo, que segundo as últimas estimacións rolda as 20 hectáreas. O lume iniciouse ás 22.03 horas de onte e, polo de agora, mobilizáronse para a súa extinción 7 axentes, 11 brigadas, 8 motobombas, 1 pa e 1 helicóptero.
Esta semana as crianzas sorprenderon cunhas fermosas manualidades mariñas. Traballaron con moita ilusión para crear estes snorkels tan orixinais, cheos de cor e detalles. A actividade non só fomentou a súa creatividade, senón tamén o traballo en equipo e a diversión nun ambiente seguro e educativo.
A Pomba do Arco organiza o xoves 14 de agosto ás 20:30 hora no Cenima de Foz a presentación do libro de Martín Fernández Vizoso, Memoria de Mariñas, que recolle 75 traballos sobre a emigración da Mariña ao continente americano. Martín Fernández Vizoso achegará na súa intervención 13 investigación sobre emigrantes focegos en Arxentina Cuba ou Filipinas. As mesmas permiten reconstruír unha parte descoñecida da diáspora focega. Fernández Vizoso, xornalista e investigador, é veciño de Cangas e autor dunha amplía bibliografía sobre a historia da comarca da Mariña, á que xa ten dedicada catro volumes e centos de artigos en diversas publicacións
O alcalde, Dani Vega, subliña que “o presidente Rueda é xa un habitual do verán ribadense. Aquí deu comezo ao seu merecido descanso destas datas”. Vega e Rueda mantiveron un encontro no Parador de Turismo de Ribadeo: “aproveitei a ocasión para saudar a Alfonso Rueda, para xestionar orzamento para Ribadeo e para desexarlle un bo descanso”.
