De carácter solidario, comezará na Fonte de Covas e rematará en Celeiro
Viveiro, 7 de agosto de 2025. Viveiro será escenario o domingo 10 de agosto unha nova edición da marcha solidaria «Viveiro en marcha contra o cancro», organizada pola Asociación Española Contra o Cancro. A saída está prevista para as 11.00 horas na Fonte de Covas e o percorrido, de arredor de cinco quilómetros, rematará en Celeiro.
A iniciativa ten como obxectivo recadar fondos para a investigación oncolóxica e apoiar os programas da asociación destinados a pacientes e familias. As inscricións poden formalizarse ata as 23.59 horas do 9 de agosto a través da web do evento ou de xeito presencial no taller de costura Loli Polo, en Covas; a mercería Silvia en Cantarrana, o salón multiusos do Concello de Viveiro e a gasolineira Repsol en Celeiro. O prezo da inscrición é de 10 euros, con dereito a camiseta conmemorativa. Tamén se pode colaborar cun donativo sen participar fisicamente na marcha.
O mesmo día da celebración da iniciativa, os interesados poderán inscribirse na zona de saída, nos Castelos, a partir das 10.00 horas.
A alcaldesa Mariña Gueimunde destacou o valor deste tipo de iniciativas: «A resposta solidaria da veciñanza de Viveiro é sempre exemplar. Agardamos que esta nova edición da marcha sexa un éxito de participación e contribúa a dar visibilidade e apoiar unha causa que nos toca de preto a todos».
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
